ލ. ފޮނަދޫ ދާއިރާގެ ރައްޔިތުންގެ މަޖިލީހުގެ ގޮނޑި ރައީސް ޑރ. މުހައްމަދު މުއިއްޒުގެ ހާއްސަ އެޑްވައިޒަރު އަބްދުއްރަހީމް އަބްދުﷲ (އަދުރޭ) ކާމިޔާބު ކުރައްވައިފިއެވެ.
ރައީސްގެ ހާއްސަ އެޑްވައިޒަރުގެ މަގާމުގައި ހުންނެވި އަބްދުއްރަހީމް މި ދާއިރާގެ ގޮނޑި ކާމިޔާބުކުރެއްވީ އިތުރު ހަތަރު ކެންޑިޑޭޓުންނާ ވާދަކުރައްވައިގެންނެވެ. ފޮނަދޫ ދާއިރާއަށް ވާދަކުރެއްވީ އެމްޑީޕީގެ ކެންޑިޑޭޓް ހުސައިން އަބޫބަކުރުގެ އިތުރުން އިބްރާހިމް އަނީސް އާއި އާމިނަތު ޝާކިރާއެވެ. މި ދެބޭފުޅުންނަކީވެސް އަމިއްލަ ގޮތުން ވާދަކުރެއްވި ދެ ކެންޑިޑޭޓުންނެވެ.
އަބްދުއްރަހީމަކީ ރަައީސްގެ މުޝީރެއްގެ ގޮތުގައި އައްޔަން ކުރެއްވުމުގެ ކުރިން ވެރިކަން ބަދަލުވުމުގެ މަރުހަލާގައި ޑިރެކްޓަރ ޖެނެރަލް އޮފް ޓަރާންސިޝަންގެ މަގާމުގައި ހުންނެވި ބޭފުޅާއެވެ. އަދި ޕީޕީއެމް/ޕީއެންސީގެ ހަރަކާތްތައް ކުރިއަށް ގެންދިއުމުގައި އިސްކޮށް އުޅުއްވީވެސް އަބްދުއްރަހީމްއެވެ.
މީގެއުތުރުން އަބްދުއްރަހީމް އަކީ ޕީއެންސީގެ ޗެއާޕާސަންކަމުގެ މަގާމުވެސް ފުރުއްވަމުން އަންނަ ބޭފުޅެކެވެ.
