ރައްޔިތުންގެ މަޖިލީހުގެ އިންތިހާބުން ސަރުކާރު ހިންގާ ޕާޓީ، ޕީއެންސީ އަށް ލިބުނު ބޮޑު ކާމިޔާބީ ފާހަގަކުރަން މިރޭ މާލޭގައި ހަވާ އެރުވުމާ އެކު، ހާއްސަ ޖަލްސާއެއް ބާއްވަން ނިންމައިފިއެވެ.
ޕީއެންސީން ބުނީ 'ދިވެހީންގެ ރާއްޖެ މަޖިލީހަށް – މަރުހަބާ’ގެ ނަމުގައި ދިވެހިންނަށް މަރުހަބާ އާއި ޝުކުރު އަދާކުރުމަށް އެ ޕާޓީން މިރޭ ހާއްސަ ޖަލްސާއެއް ބާއްވާނެ ކަމަށެވެ. ޖަލްސާ ބާއްވާނީ މިރޭ 8:30 ގައި އާޓިފިޝަލް ބީޗުގައެވެ.
އެމްއެންޑީއެފް އިން މިއަދު ބުނީ ވިޔަފާރި އުސޫލުން އަމިއްލަ ފަރާތްތަކުން އެދުމުން މިރޭ ފަސް މިނެޓަށް ހަވާ އަރުވާނެ ކަމަށެވެ.
މިރޭގެ އިވެންޓް ގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި ނާއިބު ރައީސް ހުސައިން މުހައްމަދު ލަތީފް ބައިވެެރިވެވަޑައިގަންނަވާނެ އެވެ.
މިރޭގެ އިވެންޓްގައި ރައީސް ވާހަކަފުޅު ދައްކަވާނެއެވެ.
އިއްޔެގެ އިންތިހާބުގައި ސަރުކާރު ހިންގާ ކޯލިޝަނަށް ވަނީ ސުޕަ މެޖޯރިޓީ ލިބިފައެވެ.
