އާދިއްތަ ދުވަހު ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގައި އަމިއްލަ ގޮތުން ވާދަކޮށް އިންތިހާބު ކާމިޔާބު ކުރި ހަ ކެންޑިޑޭޓަކު ޕީއެންސީއަށް ސޮއިކޮށްފި އެވެ.
ޕީއެންސީއަށް ސޮއި ކުރި ކެންޑިޑޭޓުން:
- ޑރ. އަނާރާ ނައީމް: ހުރާ ދާއިރާ
- ހަސަން ޒަރީރު: މަތިވެރި ދާއިރާ
- އަހްމަދު ޒަމީރު: މައްޗަންގޮޅި މެދު ދާއިރާ
- އަހްމަދު ރިޔާޒު: ތިމަރަފުށީ ދާއިރާ
- ޔާސީން އަބްދުالله: ނައިފަރު ދާއިރާ
- އާޒިމް އަބްދުލްއަޒީޒް: ވިލިނގިލީ ދާއިރާ
މަޖިލީހުގެ އިންތިޚާބުގައި ކޮންގްރެސް ޕާޓީގެ ޓިކެޓުގައި ވާދަ ކުރެއްވި 66 ކެންޑިޑޭޓުން ވަނީ މަޖިލީހަށް ހޮވިވަޑައިގެންފަ އެވެ. މިއާއެކު ކޮންގްރެސް ޕާޓީގެ މެމްބަރުންގެ އަދަދު މިހާރު ވަނީ 72 އަކަށް އަރާފަ އެވެ.
ޖުމްހޫރީ ޕާޓީގެ ލީޑާރު ގާސިމް އިބްރާހިމް އާއި އެމްޑީއޭގެ ލީޑަރު އަހުމަދު ސިޔާމް އަދި އެމްއެންޕީގެ ރައީސް މުހައްމަދު ނާޒިމް (ކާނަލް ނާޒިމް) ވާދަކުރި ދާއިރާތަކަށް ޕީއެންސީން ވާދައެއް ނުކުރެއެވެ. ސަރުކާރުން ތާއިދުކުރީ މި ތިން ސިޔާސީ ލީޑަރުންނަށެވެ. ވެލިދޫ ދާއިރާއަށް ޕީއެންސީގެ ޓިކެޓުގައި ކެންޑިޑޭޓަކު ވާދަކުރި ނަމަވެސް އެމްޑީއޭގެ ޓިކެޓުގައި އިންތިހާބުވި މުހައްމަދު އައްބާސް އަށް ސަރުކާރުން ތާއިދުއޮތެވެ.
