މަސްތުވާތަކެތީގެ މުއާމަލާތްތަކާއި ހަށިވިއްކުމަށް ހާއްސަކޮށްގެން "ޖަޒީރާ"ގެ ނަމުގައި ޓެލެގްރާމް ޗެނެލްތަކެއް ހިންގި މައްސަލައިގައި، ހައްޔަރު ކުރި އަންހެން މީހާގެ ބަންދަށް އިތުރު 15 ދުވަސް ޖަހައިފިއެވެ.
"ޖަޒީރާ" ނަމުކައި ޓެލެގްރާމް ޗެންލްއެއްގައި މަސްތުވަތަކެތީގެ ވިޔަފާރިކޮށް ހަށިވިއްކުން އިސްތިހާރުކޮށް އަދި ކަޅުފައިސާގެ ވިޔަފާރި ކުރަމުންއައި މީހުން ފުލުހުންގެ ސައިބަރ ކްރައިމް ޔުނިޓުން އަތުލައިގަތީ މާރިޗްމަހުގެ 12 ވަނަ ދުވަހުއެވެ. އެ ޗެނަލްގައި މެންބަރުންގެ ގޮތުގައި 6529 މެންބަރުން ތިއްބެވެ.
އެ ޗެނަލް ހިންގަމުން އައި މީހުން އަތުލައިގަތުމަށްފަހު ޗެނަލްގައި އިސްތިހާރުކޮށްފައިވާ ތަކެތި ފުލުހުން ވަނީ ނުފެންނަ ގޮތަށް ހަދައިފަ އެވެ.
ފުލުހުން ކުރި ތަހުގީގުތަކުން، އެ ޗެނަލްތައް ހިންގާ ކަމަށް ތުހުމަތު ކުރެވޭ އުމުރުން 28 އަހަރުގެ ފިރިހެނަކާއި 39 އަހަރުގެ އަންހެނަކު މިދިޔަ މަހު ހައްޔަރު ކުރިއެވެ. އެއީ ދެމަފިރިންނެވެ.
އޭގެ ތެރެއިން އަންހެން މީހާގެ ބަންދުގެ މުއްދަތު ހަމަވާތީ، އިއްޔެ ފުލުހުން ވަނީ އޭނާ ކޯޓަށް ހާޒިރުކޮށް ބަންދުގެ މުއްދަތު އިތުރުކޮށްދިނުމަށް އެދިފައެވެ. ކޯޓުން ވަނީ އޭނާގެ ބަންދަށް 15 ދުވަސް ދީފައެވެ.
+1
+1
+1
+1
+1
+1
