ދިރާސީ އަހަރުގެ ކިޔެވުން ނިންމާ ދަރިވަރުން ބޮޑު ޗުއްޓީއަށް

2023-2024 ވަނަ އަހަރުގެ ދިރާސީ އަހަރުގެ ކިޔެވުން ނިންމާ ދަރިވަރުން ބޮޑު ޗުއްޓީއަށް ގޮސްފިއެވެ.

މާލެއާއި އަތޮޅުތަކުގެ ހުރިހާ ސްކޫލަކުންވެސް މި ދިރާސީ އަހަރުގެ ދެވަނަ ޓާރމްގެ ރިޕޯޓު ފޮތް މިއަދު ވަނީ ހަވާލުކޮށްފައެވެ.

އަންނަ މަހުގެ 25 އާއި ހަމައަށް ކުރިޔަށް ދާނީ ސްކޫލްތަކުގެ ބޮޑު ޗުއްޓީއެވެ.

2023 ވަނަ އަހަރުގެ ދިސާރީ އަހަރުގެ ކިޔެވުން ފެށީ މިދިޔަ އަހަރުގެ އޮގަސްޓު މަހުގެ 6 ވަނަ ދުވަހުއެވެ. އަދި ދެވަނަ ޓާރމްގެ ކިޔެވުން ފަށާފައިވަނީ މިދިޔަ ޖެނުއަރީ މަހުގެ 7 ވަނަ ދުވަހުއެވެ. މި އަހަރުގެ ކިޔެވުން ފަށާފައިވަނީ 84000 އަށްވުރެ ގިނަ ދަރިވަރުންނާއެކުއެވެ. ސަރުކާރުގެ 216 ސްކޫލްގައި 73,000 ދަރިވަރުން ތަޢުލީމު ހާސިލުކުރިއިރު، 25,000 އަށްވުރެ ގިނަ ދަރިވަރުން ތަޢުލީމު ހާސިލްކުރީ މާލޭގައެވެ.

އެޑިޔުކޭޝަން މިނިސްޓްރީން ނެރެފައިވާ ކުރިއަށް އޮތް ދިރާސީ އަހަރުގެ ކަލަންޑަރުގައިވާގޮތުން 2024-2025 ވަނަ އަހަރުގެ ކިޔެވުން ފަށާނީ އަންނަ މެއި މަހުގެ 26 ވަނަ ދުވަހުއެވެ. އަދި ފުރަތަމަ ޓާރމްގެ ކިޔެވުން ނިމޭނީ ސެޕްޓެންބަރު މަހުގެ 26 ވަނަ ދުވަހުއެވެ. 6 އޮކްޓޫބަރުގައި ދެވަނަ ޓަރމް ފެށޭއިރު، ދެވަނަ ޓާރމް ނިމި ބޮޑު ޗުއްޓީއާ ދަރިވަރުން ބައްދަލުކުރާނީ 2025 ވަނަ އަހަރުގެ މާރޗް މަހުގެ 6 ވަނަ ދުވަހުއެވެ. އެގޮތުން އަންނަ އަހަރުގެ ރޯދަމަސް ފެބްރުއަރީ 28ގައި ފެށޭއިރު، ސްކޫލްތަކުގެ ބޮޑު ޗުއްޓީ ލިބޭގޮތަށް ހަދާފައިވަނީ ރޯދަމަހުގެ ފަހު 10 ބޮޑު ޗުއްޓީއަށް ވަންނަ ގޮތަށެވެ.

އެކަޑަމިކް ކަލަންޑަރުގައި ހިމަނާފައިވާ މުހިންމު ތާރީޚުތައް: