އަޒުމަކީ ދިވެހި ކޮންމެ މަސައްކަތްތެރިއަކަށް ފާގަތި ދިރިއުޅުމެއް ހޯއްދަވައިދެއްވުން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
މަސައްކަތްތެރިން ދުވަހުގެ މުނާސަބަތުގައި ރައީސް ޑރ މުހައްމަދު މުއިއްޒު ދެއްވި ހިތޯބުގައި ވިދާޅުވީ މި 5 އަހަރުގެ ތެރޭގައި ދިވެހި ކޮންމެ މަސައްކަތްތެރިއަކަށް، ފުދުންތެރި، ތަނަވަސް އަދި ފާގަތި ދިރިއުޅުމެއް ހޯއްދަވައި ދިނުމަކީ އެމަނިކުފާނުގެ އަޒުމެއް ކަމަށެވެ. އަދި ދިވެހި ރައްޔިތުންނަށްޓަކައި ސަރުކާރުން ކޮށްދޭ ކަންތަށްތަކަށް އަލިއަޅުވާލައި، ވިދާޅުވީ ސަރުކާރުގެ ޙިދުމަތުގައި އުޅޭ މުވައްޒަފުންނަށް މުސާރަ ބޮޑު ކުރުމަށް މަސައްކަތްތަކެށް ކުރައްވާނެ ކަމަށެވެ. އަދި ރާއްޖޭގައި ދިވެހިންނަށް ނޫނީ ވަޒީފާއަދާ ނުކުރެވޭނެ 22 ދާއިރާއެއް ކަނޑައަޅާނެ ކަމަށް ރައީސް ވިދާޅުވިއެވެ. މި ނިންމުމަކީ ދިވެހީންނަށް މަސައްކަތްކުރުމުގެ ފުރުޞަތު ހޯދައި ދިނުމަށް އެޅޭ މުހިންމު ފިޔަވަޅެއް ކަމަށް ރައީސް ވިދާޅުވިއެވެ.
މީގެ އިތުރުން ރާއްޖޭގައި ޤަވާއިދާ ޚިލާފަށް ވަޒީފާ އަދާކޮށް ވިޔަފާރިކުރަމުންދާ ބޭރު މީހުންނަށް އެ މަގުތައް ބަންދުކުރުމަށް ނިންމާފައިވާ ކަމަށާއި، އެފަދަ މީހުން 48 ގަޑިއިރު ތެރޭގައި ޑީޕޯޓްކުރަން މިހާރު ނިންމާފައިވާ ކަމަށް އެމަނިކުފާނު ވިދާޅުވިއެވެ.
މަސައްކަތްތެރިކަން އުގަންނައި ދިނުމާއި އެކި ދާއިރާތަކުން މީހުން ތަމްރީނު ކުރުމުގެ މަސައްކަތް ސަރުކާރުން ކުރުމަށް ނިންމާފައިވާ ކަމާއި އަދި މިކަމުގެ ސަބަބުން އާއިލާތަކަށް ފުއްދުންތެރިކަން އިތުރުވެގެން ދާނެކަން ރައީސް ވަނީ ފާހަގަކޮށްފައެވެ. މަސައްކަތްތެރިންނަށްޓަކައި މިސަރުކާރުން ކުރިއަށް އޮތް ދުވަސްތަކުގައި ޑޭކެއާ ސެންޓަރުތައް ފަދަ ޚިދުމަތްތައް ޤާއިމުކުރުމަށްވަނީ ނިންމާފައެވެ. އަދި މަސައްކަތްތެރިންނަށް ފަހި ރަނގަޅު ފަހި ފުރުސަތުތަކެއް ފަހިވެގެންދާނެ ކަމަށް ވިދާޅުވިއެވެ.
މީގެ އިތުރުން ދިވެހި ޤައުމަށް މަންފާލިބޭ އެކި ދާއިރާތަކުގައި ރާއްޖެއާއި ރާއްޖެއިން ބޭރުގައި މަސައްކަތް ކުރަމުންދާ ހުރިހާ ދޭސީންނާއި ބިދޭސީންނަށް ބައިނަލްއަޤްވާމީ މަސައްކަތްތެރީންގެ ދުވަހުގެ ތަހުނިޔާ ވަނީ ދައްނަވާފައެވެ.
