ޒަމީރު މިހެން ވިދާޅުވީ އިންޑިއާއަށް ކުރައްވި ދަތުރުފުުގައި އެގައުމުގެ ޓީވީ ޗެނަލަކަށްް ދެއްވި އިންޓާވިއުއެއްގައެވެ.
ޒަމީރު ވިދަޅުވީ ރައީސް މުއިއްޒު ވެރިކަމަށް ވަޑައިގެން ފުރަތަމަ އިންޑިއާއަށްް ވަޑައިނުގަތީ އެ ވަގުތައް އެންމެ މަސްލަހަތު ރަނގަޅީ އެގޮތަކަށް ބައްލަވާކަމަށެވެ. އެހެންނަމަވެސް ދާދި އަވަހަށް ރައީސް މުއިއްޒު އިންޑިއާއަށްް ވަޑައިގަންނަވާނެކަމަށާއި އެކަމާއި ގުޅޭ މަޝްވަރާތައް އިންޑިއާގެ އެކްސްޓާނަލް އެފެއާޒް މިނިސްޓަރާއެކު ބޭއްވި ބައްދަލުވުމުގައިވެސް ކުރިޔަށްދިޔަކަމަށް ޒަމީރު ވިދާޅުވިއެވެ.
"މިއަދު އިންޑިއާގެ އެކްސްޓާނަލް އެފެއާޒް މިނިސްޓަރާއެކު ވެސް އަޅުގަނޑު މަޝްވަރާކުރިން، ވަރަށް އަވަހަށް ރައީސް މުއިއްޒު ދިއްލީއަށް ދަތުރުކުރެއްވުމާ ގުޅޭ ގޮތުން،" ޒަމީރު ވިދާޅުވި އެވެ.
އިންޑިއާއަށް ދަތުރުކުރައްވަން މަޝްވަރާ ކުރެވުނު ނަމަވެސް ފަހުގެ ތާރީހަކަށް އެ ދަތުރު ބަދަލުކުރުން އެއީ އެންމެ ރަނގަޅު ގޮތް ކަމަށް ދެ ސަރުކާރަށް ވެސް އެއްބަސްވެވުމުން ދަތުރު ފަސްކުރީ ކަމަށް ވެސް ޒަމީރު ވިދާޅުވި އެވެ.
