މި މަހު 28 ގައި ހުވާ ކުރާ 20 ވަނަ ރައްޔިތުންގެ މަޖިލީހުގައި އިދިކޮޅު އެމްޑީޕީ ތަމްސީލު ކުރާ މެންބަރުންނާ ކުރީގެ ރައީސް އިބްރާހިމް މުހައްމަދު ސޯލިހު ބައްދަލުކުރައްވައިފި އެވެ.
އެމްޑީޕީން ބުނެފައިވަނީ 20 ވަނަ ރައްޔިތުންގެ މަޖިލިސް އަށް އެމްޑީޕީގެ ޓިކެޓްގައި އިންތިޚާބުވި މެންބަރުންގެ ތެރެއިން މިވަގުތު މާލޭގައި ތިއްބެވި މެންބަރުންނާ ކުރީގެ ރައިސް އިބްރާހިމް މުހައްމަދު ސޯލިހް ބައްދަލުކުރައްވާފައިވާކަމަށެވެ.
މިދިޔަ މަހު 21 ގައި ބޭއްވި މަޖިލިސް އިންތިހާބުގައި އެމްޑީޕީއަށް ވަނީ ބޮޑު ނާކާމިޔާބީއެއް ކުރިމަތިވެފަ އެވެ. އެގޮތުން 20 ވަނަ މަޖިލީހުގައި ހިމެނޭ 93 ގޮނޑީގެ ތެރެއިން އެމްޑީޕީއަށް ލިބުނީ އެންމެ 12 ގޮނޑި އެވެ.
އެމްޑީޕީއަށް ލިބުނު ގޮނޑިތައް
- އަބްދުލްގަފޫރް މޫސާ / ހަނިމާދޫ ދާއިރާ
- ހުސެއިން ޒިޔާދު ( ފިއްޓެ ) / ވައިކަރަދޫ ދާއިރާ
- އަމީން ފައިސަލް / ކަނޑިތީމު ދާއިރާ
- މައުރޫފް ޒާކިރު ( މަޓޭ ) / ކެންދޫ ދާއިރާ
- ހުސެއިން ސަމީރު / ތޮއްޑޫ ދާއިރާ
- މުހައްމަދު ނިއުޝާދު ( ނިއުބެ ) / ކެޔޮދޫ ދާއިރާ
- އަހްމަދު ޝާކިރު / މާވަށު ދާއިރާ
- އަހްމަދު ދީދީ ( ޑީޑީ ) / މަރަދޫ ދާއިރާ
- އިބްރާހިމް ނާޒިލް / ހިތަދޫ ދެކުނު ދާއިރާ
- ޑރ. އަހްމަދު ޝަމްހީދު / ހުޅުމާލެ ދެކުނު ދާއިރާ
- މުހައްމަދު އިބްރާހިމް (ކުޑޫ) / ގަލޮޅު އުތުރު ދާއިރާ
- މީކާއިލް އަހްމަދު ނަސީމް / ގަލޮޅު ދެކުނު ދާއިރާ
މި މަޖިލީހުގެ ސުޕަ މެޖޯރިޓީ، 77 ގޮނޑިއާއެކު ހޯދާފައިވަނީ ސަރުކާރުންނެވެ. އޭގެ ތެރޭގައި ވެރިކަންކުރާ ޕީއެންސީގެ މެންބަރުންނާއި ސަރުކާރާއެކު މަސައްކަތްކުރާ އެމްޑީއޭ، ޖޭޕީ އަދި އެމްއެންޕީގެ މެންބަރުން ހިމެނެ އެވެ.
+1
+1
+1
+1
+1
+1
