ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ފުރާނަފުޅު ދުއްވައިލަން މިދިޔަ މަހު ދިން ޓެރަރިސްޓު ހަމަލާއާއި ގުޅިގެން ރައްޔިތުންގެ މަޖިލީހުން ކުރިއަށް ގެންދާ އިންކުއަރީގައި ހޯމް މިނިސްޓަރު އިމްރާން އަބްދުﷲ އާއި މިއަދު ސުވާލު ކޮށްފި އެވެ.
241 ކޮމިޓީން ކުރިއަށް ގެނދާ މި އިންކުއަރީއަކީ ސަލާމަތީ ބާރުތަކުން ބްރީޗުވި ގޮތް ބެލުމަށް ކުރިއަށް ގެންދާ އިންކުއަރީ އެކެވެ.
މިނިސްޓަރު އިމްރާން 241 ކޮމިޓީއަށް ވަޑައިގަންނަވަނީ
ޓެރަ
ކޮމިޓީއަށް މިއަދު އިމްރާން ހާޒިރު ކުރެއްވިއިރު މީގެ ކުރިން އެކޮމިޓީއަށް ވަނީ އެމްއެންޑީއެފްގެ އިސް ވެރިންނާއި ފުލުހުންގެ ބައެއް އިސް ވެރިންވެސް ހާޒިރު ކޮށްފަ އެވެ. އެހެންނަމަވެސް އެކޮމިޓީއަށް އަދި ޑިފެންސް މިނިސްޓަރު މާރިޔާ އަހުމަދު ދީދީ ހާޒިރެއް ނުކުރައްވަ އެވެ.
ނަޝީދުއަށް ދިން ހަމަލާއާއި ގުޅިގެން އެންމެ ބޮޑެތި ފާޑުކިޔުންތަކެއް އަމާޒުވެފައިވަނީ އެމްއެންޑީއެފް އަށެވެ. ހާއްސަކޮށް ޑިފެންސް މިނިސްޓަރު މާރިޔާ އިސްތިއުފާ ދެއްވުމަށް އެމްޑީޕީން ދަނީ ގޮވައިލަމުންނެވެ.
ވަކި ވަކި ސިފައިން މަޖިލީހަށް ހާޒިރު ކުރުމަށް ކޮމިޓީން ނޯޓިސް ފޮނުވަމުން ދާތީ މީގެ ކުރިން ޑިފެންސް މިނިސްޓްރީން ވަނީ ކަންބޮޑުވުން ފާޅުކޮށްފަ އެވެ. އެގޮތުން ޑިފެންސް މިނިސްޓްރީން މަޖިލީހަށް ފޮނުވި ސިޓީއެއްގައި ވަކި ވަކި ސިފައިން ހާޒިރު ނުކުރެވޭނެ ކަމަށް ދަންނަވާފައި އޮތުމުން އެސިޓީގައި ސޮއި ކުރެއްވި ޑިފެންސްގެ އިސް ވެރިއަކަށް ޖިނާއީ ދައުވާ ކުރުމަށްވެސް ކޮމިޓީން މަސައްކަތް ކުރި އެވެ.
ރައީސް ނަޝީދު އިސްވެ ހުންނަވައި ދައުވާ ކުރަން މަސައްކަތް ކުރި ނަމަވެސް އެކަން މަޖިލީހުގެ ކޮމިޓީން ފާހެއް ނުވި އެވެ. ދައުވާ ނުކުރަން ނިންމީ އެމްޑީޕީ މެމްބަރުންގެވެސް ވޯޓާއިއެކު އެވެ.
