ރ. އުނގޫފާރޫގައި ދެ ކުއްޖަކު ކަރަންޓުގައި ޖެހި ފަރުވާ ދޭން ފަށައިފި އެވެ.
ފުލުހުން ބުނީ އުނގޫފާރު ކުޑަ ކުދިންގެ ޕާކު ކައިރީގައި ހުރި މަގުބައްތިއެއް ކައިރީގައި އޮތް ފެންގަނޑެއްގައި ކުޅެން ތިބި ކުދިންތަކެއް ކަރަންޓުގައި ޖެހިގެން އުޅޭ ކަމަށް މިއަދު މެންދުރު 13:30 ހާއިރު ރިޕޯޓުކޮށްފައިވާ ކަމަށެވެ.
މި ހާދިސާގައި އަނިޔާވެފައިވަނީ އުމުރުން 18 އަހަރުގެ ފިރިހެން ކުއްޖަކާއި 12 އަހަރުގެ އަންހެން ކުއްޖަކަށް ކަމަށް ފުލުހުން ބުނެ އެވެ. އެ ދެ ކުދިންނަށް ވެސް އުނގޫފާރު ރީޖަނަލް ހޮސްޕިޓަލުގައި އަންނަނީ ފަރުވާ ދެމުންނެވެ.
އަދި އެ ދެ ކުދިން ކަރަންޓުގައި ޖެހުނު މަންޒަރު ފެނުނު ކުއްޖަކު އަނބުރައިގަނެގެން، އެ ކުއްޖާ އަށް ވެސް އަންނަނީ ފަރުވާ ދެމުންނެވެ.
މި ހާދިސާއާ ގުޅޭ ކަންކަން ފުލުހުން މިހާރު އަންނަނީ ބަލަމުންނެވެ.
+1
+1
+1
+1
+1
+1
