މަޖިލިސް އިދާރާއިން މިއަދު ސޯޝަލް މީޑިއާގައި ހިއްސާކޮށްފައިވާ ވީޑިއޯ އަދި ވެބްސައިޓުގައި ހިއްސާކޮށްފައިވާ ފޮޓޯތަކުން ފެންނަ ގޮތުގައި މިއަދު މި ސެޝަނުގައި 20 ވަނަ މަޖިލީހުގައި ތިއްބަވާ 93 މެންބަރުންގެ ތެރެއިން ގިނަ މެންބަރުން ބައިވެރިވެވަޑައިގެންނެވި އެވެ.
މި ސެޝަންގައި ބައިވެރިވެވަޑައިގެން 19 ވަނަ މަޖިލީހުގެ ރައީސް، މުހައްމަދު އަސްލަމް ވަނީ އާ މަޖިލީހުގެ މެމްބަރުންނާއި މުހާތަބު ވެސް ކުރައްވާފަ އެވެ.
މަޖިލިސް އިންތިހާބުގައި އިދިކޮޅު އެމްޑީޕީއަށް ލިބުނީ އެންމެ 12 ގޮނޑި އެވެ. 20 ވަނަ މަޖިލީހުގެ ސުޕަ މެޖޯރިޓީ ހޯދި ޕީއެންސީގެ މެންބަރުންގެ އަދަދަކީ 75 އެވެ. ޖުމްހޫރީ ޕާޓީ، އެމްޑީއޭ އަދި އެމްއެންޕީގެ ގޮނޑިތަކާ އެކު، ސަރުކާރަށް ތާއީދު ކުރާ މެންބަރުންގެ އަދަދު 78 އަށް މިހާރު ވަނީ އަރާފަ އެވެ.
ކުރިއަށް އޮތް 20 ވަނަ ރައްޔިތުންގެ މަޖިލީހުގެ މެންބަރުން ހުވާ ކުރެެއްވުން އޮންނާނީ މިމަހުގެ 28 ވަނަ ދުވަހު އެވެ.
