ގިނަ މުދަލާއެކު ބޯޓެއް ފަޅައިގެން ހިނގައްޖެ

މާލެއިން މުދާ ހިފައިގެން ށ އަތޮޅަށް ދަތުރުކުރި ބޯޓެއް އޮއިވަރެއްގައި ޖެހި ފަޅައިގެން ގޮސްފި އެވެ.

އެމްއެންޑީއެފުން ބުނީ 'އުޅިއަށި' ބޯޓު ށ. ބިލެތްފަހި ނެރުން ވަންނަން އުޅުމުގެ ތެރޭގައި އޮއިވަރެއްގައި ޖެހި ނެރުގެ ހުޅަނގު ފަރާތު ހިލަތަކުގައި ޖެހި ފަޅައިގެން ގޮސްފައިވާ ކަމަށެވެ.

ބޯޓަށް އެހީތެރިކަން ފޯރުކޮށް ދިނުމަށް ކުޅުދުއްފުށީގައި ތިބޭ ސިފައިން އެ ސަރަހައްދަށް ދަތުރުކުރަމުންދާ ކަމަށް އެމްއެންޑީއެފުން ބުންޏެވެ.

އެ ބޯޓާ ގުޅޭ އިތުރު މައުލޫމާތެއް އެމްއެންޑީއެފުން ހާމައެއް ނުކުރެ އެވެ.