އިންޑިއާއިން ދޭ ސްކޮލަޝިޕްތަކަށް ކުރިމަތިލުމަށް ހުޅުވާލައިފިއެވެ.
އިންޑިއަން ކައުންސިލް ފޯ ކަލްޗަރަލް ރިލޭޝަންސް (އައިސީސީއާރް) ގެ ފަރާތުން ވަނީ 34 ދަރިވަރުންނަށް ސްކޮލަޝިޕްތަކަށް އެދުމުގެ ފުރުސަތު ހުޅުވާލައިފައެވެ.
ދިވެހި ދަރިވަރުންނަށް އިންޑިއާގެ ބޮޑެތި ސިޓީތަކުގެ އެންމެ މަތީފަންތީގެ ޔުނިވަސިޓީތަކުން އަންޑަ ގްރެޖުއޭޓް، ޕޯސްޓް ގްރެޖުއޭޓް އަދި ޕީއެޗްޑީ ފެންވަރަށް ސައިންސް، އިންޖިނިއަރިން، ބިޒްނަސް، ކޮމާސް އަދި އެހެނިހެން ދާއިރާތަކުން ކިޔެވުމުގެ ފުރުސަތު ލިބިގެންދާނެއެވެ.
އަދި އިންޑިއާގެ ސަގާފަތުގެ ދާއިރާއިން އިލްމު އުނގެނުމުގެ ފުރުސަތަށް ބައިނަލައަގްވާމީ ގޮތުން 100 ސްކޮލާޝިޕް ސްލޮޓްވެސް ވަނީ ހުޅުވާލާފައެވެ. އިންޑިއާގެ ސަގާފަތުގެ ތެރެއިން މިއުޒިކް، ޑާންސް، ތިއޭޓާ، ޕާފޯމިންގް އާޓްސް، ސްކަލްޕްޗާ، އިންޑިއާގެ ބަސްތަކާއި އިންޑިއާގެ ކެއުމާއި ގުޅޭގޮތުން ދަސްކުރުމުގެ ފުރުސަތު ލިބިގެންދާނެއެވެ.
ސްކޮލާޝިޕްތަކަށް ޝައުގުވެރިވާ ދަރިވަރުން މި މަހުގެ 15 ވަނަ ދުވަހުގެ ކުރިން އައިސީސީއާރްފެ އޭޓޫއޭ ޕޯޓަލަށް ލިޔެކިޔުންތަކާއި އެކުގައި ހުށަހަޅަން ޖެހެއެވެ.
މި ސްކޮލަރޝިޕްތަކަށް ކުރިމަތިލެވޭނީ އުމުރުން 18 އަހަރާއި 35 އަހަރާއި ދެމެދުގެ އަހަރުގެ ޒުވާނުންނަށެވެ. ޕީއެޗްޑީ ސްކޮލަޝިޕަށް ކުރިމަތިލެވޭ އެންމެ ދޮށީ އުމުރަކީ 45 އަހަރެވެ.
