ރައްޔިތުންގެ މަޖިލިސް ކުރިމަތީ ހުންނަ ޕާކިން ޒޯނުގައި ބަހައްޓާފައި ހުރި ސައިކަލުތަކެއްގައި ރޭ ދަންވަރުގެ ވަގުތެއްގައި ރޯކޮށްލައިފިއެވެ.
ފުލުހުން ބުނީ އެ ސައިކަލް ޕާކިން ޒޯނުގައި ހުރި ސައިކަލުތަކެއްގައި ރޯކޮށްލިކަމުގެ މައުލޫމާތު ލިބުނީ ރޭ މެންދަމު 3:03 ހާއިރު ކަމަށެވެ.
އެ ހާދިސާއާ ގުޅިގެން ހަތް ސައިކަލަކާއި ވޭނަކަށް ގެއްލުން ލިބިފައިވާ ކަމަށާއި، އޭގެ ތެރެއިން ތިން ސައިކަލެއް ބޭނުން ނުކުރެވޭ މިންވަރަށް އަނދާފައިވާ ކަމަށް ފުލުހުން ބުނެ އެވެ.
ސައިކަލުތަކުގައި ރޯކޮށްލި މީހާ މިހާރު ވަނީ ދެނެގަނެވިފަ އެވެ. އޭނާ ހައްޔަރު ކުރުމުގެ މަސައްކަތް ކުރަމުން އަންނަ ކަމަށް ފުލުހުން ބުނެ އެވެ.
ރޯކޮށްލި ސައިކަލުތައް ހުރި ސަރަހައްދަކީ ގްރީން ޒޯނެކެވެ. އެއީ އެއްވުން ވެސް މަނާ، އެހެން ސަރަހައްދުތަކާ ހިލާފަށް ސެކިއުރިޓީ ވަރުގަދަ ސަރަހައްދެކެވެ.
+1
+1
+1
+1
+1
+1
