ރ އުނގޫފާރުގައި، ކަރަންޓުގައި ޖެހިގެން އިންދިރާގާންދީ މެމޯރިއަލް ހޮސްޕިޓަލް(އައިޖީއެމްއެޗް)ގައި ފަރުވާ ދެމުން ދިޔަ ޒުވާނާ ނިޔާވެއްޖެ އެވެ.
އުމުރުން 18 އަހަރުގެ ހުސައިން އަތީކް، ނިޔާވީ އައިޖީއެމްއެޗްގެ ހައި ޑިޕެންޑެންސީ ޔުނިޓު (އެޗްޑީޔޫ) ގައި ފަރުވާ ދެމުން ދަނިކޮށް މިއަދު ހެނދުނުގެ ވަގުތެއްގަ އެވެ.
އަތީކްއަށް ފަރުވާ ދެމުން ދިޔައީ މިދިޔަ މަހުގެ 23 ވަނަ ދުވަހު އުނގޫފާރު ޕާކް ކައިރީއޮތް ފެންގަނޑަކަށް އެރި އުޅުނު ދެކުއްޖަކު ކަރަންޓްގައި ޖެހެމުންދަނިކޮށް، އެކުދިން ސަލާމަތް ކުރުމުގެ ތެރޭގައި އޭނާއަށް ލިބުނު އަނިޔާއާއި ގުޅިގެންނެވެ. އެ ހާދިސާގައި އޭނާގެ އެތެރެ ހަށީގެ ގުނަވަންތަކަށް ލިބުނު ގެއްލުމަށް ފަރުވާ ހޯދަން އައިޖީއެމްއެޗަށް ގެނައީ މެއި މަހު ފަންސަވީސް ވަނަ ދުވަހު އެވެ.
މި ހާދިސާގައި ކަރަންޓުގައި ޖެހުނު 12 އަހަރުގެ އަންހެން ކުއްޖަކާއި 8 އަހަރުގެ ފިރިހެން ކުއްޖަކު އަތީކު ސަލާމަތްކުރިއެވެ. އެ ދެކުދިން ވަނީ ފަރުވާއަށް ފަހު ދޫކޮށްލާފަ އެވެ.
