މަޝްހޫރު ފުޓްބޯޅަ ކުޅުންތެރިޔާ އަހުމަދު އާރިފް (ބަކާ) ނިޔާވެފައިވަނީ ގައިން ގަޔަށް އަރާ ބައްޔެއް ކަމަށްވާ މެނެންޖައިޓިސް ޖެހިގެން ކަމަށް މައުލޫމާތު ލިބިއްޖެއެވެ.
ރަަސްމީކޮށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިކަން އަދި ކަށަވަރު ނުކޮށްދިނަސް އެތަނުގެ އޮފިޝަލަކު ވިދާޅުވީ ހައްޖުގެ އަޅުކަމަށް ފަހު ރާއްޖެ އައި މީހެއްގެ ފަރާތުން އެ ބަލި ފެނިފައިވާ ކަމަށެވެ.
އޭޑީކޭ ހޮސްޕިޓަލުގެ އައިސީޔޫގައި ފަރުވާ ދެމުން ދަނިކޮށް ބަކާ، 38، މިއަދު ނިޔާވީ ހައްޖު ދަތުރު ނިންމައި، މީގެ ތިން ދުވަސް ކުރިން ރާއްޖެ އައި ތަނާ ގަދަ ހުމެއް ޖެހި، ހާލު ސީރިއަސްވެގެންނެވެ.
މެނިންގޯކޮކަލް ބައްޔަކީ ސީރިއަސް ބެކްޓީރިއަލް އިންފެކްޝަނެކެވެ. އެ ބަލި ޖެހުމުގެ ސަބަބުން ގުނަވަންތައް ހަލާކުވުން ނުވަތަ ގުނަވަންތައް މަރުވެ އެވެ. މެނިންގޯކޮކަލް ބަލީގެ ދެ ވައްތަރެއްގެ އިންފެކްޝަން އުފެދެ އެވެ. އެއީ މެނިންޖައިޓިސް އާއި ލޭގެ އިންފެކްޝަނެވެ.
މެނިންޖައިޓިސް އިންފެކްޝަނުން ހަށިގަނޑުގެ ތެރެއަށް ބެކްޓީރިއާ ވަދެ ސިނކުޑިއާ ސްޕައިނަލް ކޯޑަށް ބޮޑެތި ގެއްލުންތަކެއްދެ އެވެ. މި ބަލީގެ ފަރުވާ އަށް ދެނީ އެންޓިބަޔޮޓިކް އެކެވެ. އަވަސް ފަރުވާ ބޭނުންވާ މި ބަލިން ރައްކާތެރިވުމަށް އެޅޭ އެންމެ މުހިއްމު ފިޔަވަޅަކީ ވެކްސިން ޖެހުމެވެ.
އިންވޭސިވް މެނިންގޯކޮކަލް ބަލީގެ އަލާމަތްތައް
- ހުންއައުން
- ބޮލުގައި ރިއްސުން
- ކަނދުރާ ވާންވުން
- މޭނުބައިކޮށް ހޮޑުލެވުން
- ވާނުވާ ނޭނގޭ ގޮތްވުން
- ގައިގައި ރަތް ބިހި/ ލައްތަކެއް ނެގުން
- ފިޓުޖެހުން
- އަލި ގަދަވުމުން އުނދަގޫވުން
- ވަރުދެރަވުން
- ނޭވާ އަވަސްވުން
