ކައުންސިލްތަކާ ގުޅިގެން އައިޑީ ކާޑު ޔުނިޓް ނުވަތަ ޑީއެންއާރުގެ މަސައްކަތްތައް ބައްޓަން ކުރުމުގެ ގޮތުން ޚާއްސަ ޕޯޓަލް "ނާރެސް" އިފްތިތާހުކޮށްފި އެވެ.
ރޭ ބޭއްވި ހާއްސަ ރަސްމިއްޔާތުގައި ނާރެސް ޕޯޓަލް ރަސްމީކޮށް އިފުތިތާހުކޮށްދެއްވީ ރައީސް ޑރ. މުހައްމަދު މުއިއްޒެވެ.
ނާރެސް މެދުވެރިކޮށް ކައުންސިލްތަކަށް އައިޑީކާޑްގެ ސްޓޭޓަސް ބެލުމާއި މާލެއެކޭ އެއްފަދައިން އައިޑީ ކާޑް ދޫކުރުން އަދި އެޕްލިކޭޝަންތައް ބަލައިގަތުމަށް ހިދުމަތް ލިބިގެންދާނެ އެވެ. އަދި ކޮންމެ ކައުންސިލަކަށް 10 އިނގިލީގެ ނިޝާން ނަގާ ފިންގާ ޕްރިންޓް ޑިވައިސްތަކެއްވެސް ހަވާލުކުރެވޭނެ ކަމަށް ހޯމް މިނިސްޓްރީން ބުނެ އެވެ.
މި ރަސްމިއްޔާތުގައި ހޯމް މިނިސްޓަރު އަލީ އިހްސާން ވިދާޅުވީ މި ސަރުކާރު ހަވާލުވިއިރު އައިޑީކާޑު ހަދަން ހަވާލުކޮށް ނުނިމި 3،000 އައިޑީ ކާޑު އޮތް ކަމަށާއި ނަމަވެސް މިހާރު 24 ގަޑިއިރަށްވުރެ ގިނަ އިރުވަންދެން ޕެންޑިންގައި އައިޑީކާޑެއް ނޯންނާނެ ކަމަށެވެ.
