ދިވެހި ފިރިހެނަކު މާލޭ ގެއެއްގައި ރަހީނު ކޮށްގެން ގެންގުޅުނު ތިން މީހުން ބަންދަށް އިތުރު 10 ދުވަސް ޖަހައިފިއެވެ.
ދިވެހި ފިރިހެނަކު ރަހީނުކޮށްގެން މާލޭ ގެއެއްގައި ގެންގުޅުނު މައްސަލައެއް ފުލުހަށް ރިޕޯޓްކޮށްފައިވަނީ މި މަހުގެ 18 ވަނަ ދުވަހުގައެވެ.
މި މައްސަލައާ ގުޅިގެން ފުލުހުން ހައްޔަރުކުރީ 30، 27، އަދި 22 އަހަރުގެ ދިވެހި ތިން ފިރިހެނުންނެވެ. އޭގެ ތެރެއިން 27 އަަހަރުގެ މީހާއަކީ ލ. މާބައިދޫ މީހެކެވެ. 30 އަހަރުގެ މީހާއަކީ ލ. ގަމަށް ނިސްބަތްވާ މީހެކެވެ. އަދި 22 އަަހަރުގެ މީހާއަކީ އއ. މާޅޮހަށް ނިސްބަތްވާ މީހެކެވެެ.
އެ މައްސަލައާ ގުޅިގެން ހައްޔަރު ކުރި މީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޒިރު ކުރުމުން، 10 ދުވަހަށް ބަންދު ކުރުމަށް ވަނީ އަމުރު ކޮށްފައެވެ. އެ 10 ދުވަސް ހަމަވުމުން އެ މީހުންގެ ބަންދަށް އިތުރުން 10 ދުވަސް ކޯޓުން ވަނީ ޖަހާފައެވެ.
އެ މީހުންގެ ކޯޓު އަމުރުގައި ވާގޮތުން އެ މީހުން ހައްޔަރުކޮށްފައިވަނީ ފުލުހުންގެ ހާއްސަ އޮޕަރޭޝަނެއްގައި ސީނުންނެވެ.
ތިން މީހަކު ވެގެން ގެސްޓް ހައުސްގެ ކޮޓަރިއަކަށް ވަދެ، އެތަނުގައި ހުރި އެއްޗެހި އުކާލާ، ރަހީނު ކުރި މީހާ އެ މީހުންނާއެކު އެހެން ތަނަަކަށް ގެންގޮސް ބެހެއްޓުމަށްފަހު އޭނާއަށް ދެވޭނީ ފައިސާ ދިނުމުންކަމަށް އިންޒާރު ދީފައިވާ ކަމަށް ކޯޓު އަމުރުގައިވެއެވެ.
