ޣައްޒާގެ ސްކޫލަކަށް އިޒްރޭލުން ހަމަލާދީ 100 އަށް ވުރެ ގިނަ މީހުން ޝަހީދު ކުރުމާ ގުޅިގެން ރައީސް ޑރ. މުހައްމަދު މުއިއޒު އެކަން ހަރުކަށި އިބާާރާތުން ކުށްވެރިކޮށްފި އެވެ.
ޣައްޒާގެ ތަބިޢީން ސްކޫލުގައި ހިޔާވަހިކަން ހޯދައިގެން ގިނަ ބަޔަކު ތިއްބައި އިޒްރޭލުން އެތަނަށް ހަމަލާދިނީ އިއްޔެ ރޭ ފަތިހި އެވެ. އެ ހަމަލާގައި އަންހެނުންނާއި ކުޑަކުދިންނާއި ދުވަސްވީ މީހުން ހިމެނޭހެން 100 އަށް ވުރެ ގިނަ މީހުން ޝަހީދުވެފައިވެ އެވެ.
އެ ލާއިންސާނީ ހަމަލާ ކުށްވެރިކޮށް ބައިނަލްއަގުވާމީ އިންސާނީ ހައްގުތަކުގެ ޤާނޫނާއި ޚިލާފަށް ހިންގަމުންދާ ޢަމަލުތަކެއްކަން ފާހަގަކުރައްވައި ރައީސް ވިދާޅުވީ ފަލަސްޠީނުގެ ކުށެއްނެތް ރައްޔިތުން ރައްކާތެރިކުރަން ޖެހޭ ކަމަށެވެ. އަދި އިސްރާއީލް ޖަވާބުދާރީ ކުރުވުމަށް ބައިނަލްއަގުވާމީ މުޖުމަތައު މަސައްކަތް ކުރަން ޖެހޭ ކަމަށް
ރައީސް ވިދާޅުވީ އިޒްރޭލުން ފަލަސްތީނަށް ދެމުންދާ މިފަދަ ހަމަލާތަކަކީ ހިތްދަތި އަދި ބިރުވެރި މަންޒަރުތަކެއް ކަމަށެވެ. ފެނިވަޑައިގަންނަވާކަމަށް އެމަނިކުފާނު ވިދާޅުވިއެވެ.
ސްކޫލަށް ދިިން ހަމަލާ ރާއްޖޭގެ ފޮރިން މިނިސްޓްރީން ވެސް ކުށްވެރިކޮށްފައިވެ އެވެ. އެގޮތުން އެ ހަމަލާ އަކީ ގަތުލުއާންމެއް ކަމަށާއި މިއީ ޔަހޫދީ ދައުލަތުން ނަަސްލު ނައްތަލުމަށް ހިންގަމުންދާ ޖަރީމާތަކަށް އިތުރުވި ބޮޅެއް ކަމަށް ބުނެފައިވެ އެވެ.
މީގެ ކުރިން ވެސް އިޒްރޭލުން ފަލަސްތީނުގެ ސްކޫލްތަކަކަށް ހަމަލާދީ އެތައް ބަޔަކު ޝަހީދުކޮށްފައިވެ އެވެ.
މިދިޔަ އަހަރުގެ އޮކްޓޯބަރު 7 އިން ފެށިގެން ޔަހޫދީން ހިންގަމުންދާ ހަނގުރާމައިގެ ފަލަސްތީނުގެ 40،000 އެއްހާ މީހުން ޝަހީދުކޮށްފައިވެ އެވެ.
