ގެއްލުނު އަކިރިސް ބޯޓު ހޯދައިފި

ގެއްލިގެން ހޯދަމުން ދިޔަ މާލެ އާއި ލ. އަތޮޅު ގަމާ ދޭތެރޭގައި ދަތުރު ކުރާ އަކިރިސް ބޯޓު އެމްއެންޑީއެފްގެ ކޯސްޓް ގާޑުން ހޯދައިފިއެވެ.

"އަކިރިސް" ނަމަކަށް ކިޔާ މުދާ އުފުލާ ބޯޓު ގެއްލުނު އިރު، ބޯޓު ދަތުރު ކުރަމުން ދިޔައީ މާލެއަށެވެ. އެ ބޯޓުގައި 14 މީހުން ތިއްބެެވެ.

މި ބޯޓުގެ ހަބަރެއް ނުވެގެން ކޯސްޓްގާޑުގެ މެރިޓައިމް ރެސްކިއު ކޯޑިނޭޝަން ސެންޓަރަށް ރިޕޯޓްކޮށްފައި ވަނީ ރޭ 19:10 ހާއިރެވެ.

އެމްއެންޑީއެފްއިން ބުނީ، ގެއްލިގެން ހޯދަމުން ދިޔަ އެ ބޯޓު ލޮކޭޓް ކުރެވިފައި ވަނީ މ. ރަތްްމަންދޫގެ އިރުން 22 ނޯޓިކަލް މޭލު ބޭރުން އިންޖީނު ހުއްޓިފައި ވަނިކޮށް ކޯސްޓް ގާޑުގެ އިންޓާސެޕްޓާ ކްރާފްޓް މާފަތް ލޯންޗަށް ކަމަށެވެ.

އަދި މި ބޯޓުގައި ތިބި އެންމެންގެވެސް ހާލު ރަނގަޅު ކަމަށްވެސް އެމްއެންޑީއެފުން ބުނެ އެވެ.