ކެފޭއެއްގައި އަލިފާން ރޯވެއްޖެ

މާލޭގައި ހުރި އިމާރާތެއްގައި އަލިފާން ރޯވެ ސަލާމަތީ ހިދުމަތްތަކުން ހަރަކާތްތެރިވާން ފަށައިފި އެވެ.

މީގެ ކުޑަ އިރުކޮޅެއް ކުރިން އަލިފާން ރޯވެ އަނދަމުން ދަނީ ހެންވޭރު ސޯސަން މަގު ކޮޅުގައި ހުރި އިމާރާތެއްގަ އެވެ. މައުލޫމާތު ލިބޭ ގޮތުގައި އަނދަނީ އެތަނުގައި ހުރި ބަދިގެއެއްގަ އެވެ.

އެމްއެންޑީއެފްއިން ބުނީ އެ އިދާރާއަށް ރިޕޯޓުކޮށްފައިވަނީ އަލިފާން ރޯވެގެން އަނދަނީ ހ. ދޫހިމެރިގޭގައި ކަމަށެވެ.

މި ހާދިސާގައި މީހަކަށް އަނިޔާވި ކަމުގެ މައުލޫމާތެއް މިހާތަނަށް ލިބިފައެއް ނުވެ އެވެ. އަލިފާން ރޯވުމުގެ ސަބަބުން އެ ސަރަހަައްދަށް ވަރަށް ބޮޑަށް ވަނީ ދުންގަނޑު ފެތުރިފަ އެވެ.

ކެފޭގައި ރޯވި އަލިފާން ނިއްވާލުމަށް އެމްއެންޑީއެފް އާއި ފުލުހުން މިހާރު އަންނަނީ މަސައްކަތް ކުރަމުންނެވެ.