ރާއްޖޭގެ ޓޫރިޒަމް ބަންގްލަދޭޝްގައި އިޝްތިހާރު ކުރަން އެ ގައިމުގެ ފެއާއެއްގައި ބައިވެރިވެއްޖެ އެވެ.
މިއީ އިއްޔެ ފެށިގެން މާދަމާގެ ނިޔަލަށް ޑާކާގައި ކުރިއަށް ގެންދާ އޭޝިއަން ޓޫރިޒަމް ފެއާ (އޭޓީއެފް) އެވެ.
އެމްއެމްޕީއާރްސީން ބުނީ ފެއާގައި ރާއްޖޭގެ ޓޫރިޒަމް ދާއިރާގެ 37 ފަރާތަކުން ރާއްޖެ ތަމްސީލުކުރަމުން އަންނަ ކަމަށެވެ. ފެއާގައި އެ ކުންފުނީގެ މެނޭޖިން ޑިރެކްޓަރު އިބްރާހިމް ޝިއުރީ ވިދާޅުވީ ބަންގްލަދޭޝް އަކީ މިހާރު ވަރަށް އުންމީދީ މާކެޓެއް ކަމަށާއި ކުރިއަށް އޮތް ތަނުގައި ބަންގްލަދޭޝް އިން ރާއްޖެ އަންނަ ޓޫރިސްޓުން އިތުރު ކުރަން ގިނަ މަސައްކަތްތަކެއް ކުރެވޭނެ ކަމަށެވެ.
މި އަހަރުގެ މިހާތަނަށް ބަންގްލަދޭޝް އިން 18،843 ޓޫރިސްޓުން ރާއްޖެ އައިސްފައިވާ ކަމަށް އެންމެ ފަހުގެ ހިސާބުތަކުން ދައްކަ އެވެ. އަދި ބަންގްލަދޭޝް އަކީ މިހާރު ހިމެނެނީ ރާއްޖެ އަށް 14 ވަަަނަ އަށް އެންމެ ޓޫރިސްޓުން އަންނަ ގައުމެވެ.
ރާއްޖޭ ޕްރޮމޯޓްކުރަން އެ ގައުމުގެ ފެއާއެއްގައި ބައިވެރިވި އިރު، ބަންގްލަދޭޝްގައި ރާއްޖެ ޕްރޮމޯޓްކުރާނެ ކަމަށް ޓޫރިޒަމް މިނިސްޓަރު އިބްރާހީމް ފައިސަލް މިދިޔަ ޖޫން މަހުގެ ތެރޭގައި ވިދާޅުވި އެވެ.
ރާއްޖެ އަށް މިހާރު އެންމެ ގިނަ ޓޫރިސްޓުން އަންނަނީ ޗައިނާއިންނެވެ.
