ރާއްޖޭގައި އަލަށް އުފައްދަން ނިންމި ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް (ޑީބީއެމްއެލް) އަށް މި ހަފުތާ ތެރޭގައި ލައިސަންސް ދޫކުރާނެ ކަމަށް ގަވަރުނަރު އަހުމަދު މުނައްވަރު ވިދާޅުވެއްޖެ އެވެ.
ދައުލަތުގެ މީޑިއާ، ޕީއެސްއެމްގައި މުނައްވަރު ވިދާޅުވީ ލައިސަންސް ދިނުމަށް ކުރަން ޖެހޭ ދިރާސާތައް ނިމި މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ބޯޑުން ލައިސަންސް ދޫކުރަން ފާސްކޮށްފައިވާ ކަމަށެވެ. އެހެންވެ މި ހަފުތާ ނިމުމުގެ ކުރިން މި ހަފުތާ ލައިސަންސް ދޫކުރެވި، ވަރަށް އަވަހަށް ބޭންކުގެ މަސައްކަތް ފެށޭނެ ކަމމަށް ގަވަރުނަރު ވިދާޅުވި އެވެ.
ޑީބީއެމްއެލް އުފައްދަން ހުއްދަ އަށް އެދި އިކޮނޮމިކް މިނިސްޓްރީން އެމްއެމްއޭ އަށް ހުށަހެޅީ މިދިޔަ ޖުލައި މަހުގެ 28 ގަ އެވެ.
އެ ބޭންކުގެ އިސް މަގާމުތަކަށް ސަރުކާރުން މިދިޔަ މަހުގެ ތެރޭގައި ބޭރުގެ ތަޖުރިބާކާރުންތަކެއް ވެސް އައްޔަންކޮށްފައިވެ އެވެ. އެގޮތުން ސީއީއޯގެ މަޤާމަށް އައްޔަންކިރީ އިނގިރޭސިވިލާތުގެ ނޮއެލް ގްރެގާ އެވެ. އަދި ޗެއާޕާސަނަކަށް އައްޔަންކުރީ ސިންގަޕޫރުގެ އަރޫނީ ގުނިޓެލެކީ އެވެ.
