މޯލްޑިވްސް މީޑިއާ ކައުންސިލުން ހޮވާ މިދިޔަ އަހަރުގެ އެންމެ މޮޅު ނޫސްވެރިޔާގެ އިނާމު "މިހާރު" ނޫހުގެ ފާތިމަތު ޝަނާ މުހައްމަދު ހާސިލުކޮށްފި އެވެ.
އެންމެ މޮޅު ނޫސްވެރިޔާގެ މަގާމުގެ އިތުރުން ޝަނާ ވަނީ ވިޔަފާރި އާއި އިގުތިސާދީ ދާއިރާއިން ވެސް އެވޯޑު ހާސިލު ކޮށްފަ އެވެ. ޝަނާ އަކީ މިވަގުތު ރާއްޖޭގައި ތިބި ވިޔަފާރި އާއި އިގުތިސާދު ދާއިރާގެ ނޫސްވެރިންގެ ތެރެއިން އެންމެ ތަޖުރިބާކާރު އެއް ނޫސްވެރިޔާ އެވެ.
އެންމެ މޮޅު ނޫސްވެރިޔާގެ އިނާމު ހަވާލުކޮށްދެއްވީ ޖަލްސާގެ ޝަރުފުވެރި މެހެމާނު، ނައިބު ރައީސް، އަލްއުސްތާޒު ހުސައިން މުހައްމަދު ލަތީފް އެވެ.
މިފަހަރު ނޫސްވެރިކަމުގެ އިނާމު ލިބުނު އެހެން ނޫސްވެރިން
އުންމީދީ ނޫސްވެރިޔާ – މުހައްމަދު ޔާމީން (ނުކުތާ)
ފޮޓޯ ޖާނަލިޒަމް – ފަޔާޒު މޫސާ (މިހާރު)
ފީޗާ – މުހައްމަދު މުޒައްޔިން ނާޒިމް (ދައުރު)
ކުޅިވަރު – އައްޒާމު ޢަލީފުޅު (އަދަދު)
ވިޔަފާރިއާއި އިގުތިސޯދު – ފާޠިމަތު ޝަނާ މުޙައްމަދު (މިހާރު)
ތަހުގީގީ ނޫސްވެރިކަން – އަޙްމަދު އާޢިދު (އަދަދު)، އަޙްމަދު ނާޢިފް (ދައުރު)
ސިޔާސީ – ޙަސަން މުޙައްމަދު (އަދަދު)
މޯލްޑިވްސް މީޑިއާ ކައުންސިލުން ދޭ އެވޯޑުތަކަކީ ނޫސްވެރިންގެ އަގު ވަޒަން ކުރުމުގެ ގޮތުން 2014 ވަނަ އަހަރުން ފެށިގެން މެދުކެނޑުމެއްނެތި ދެމުންދާ އެވޯޑުތަކަކެވެ.
