މާލޭގައި އަމިއްލަ ފަރާތަކުން އިތުރު މިސްކިތެއް ބިނާކުރަން ނިންމާފައިވާތީ އެކަމުގެ އެއްބަސްވުމުގައި އިއްޔެ ސޮއިކޮށްފި އެވެ.
އެ މިސްކިތް ބިނާކުރަން ނިންމާފައި ވަނީ މާފަންނު ބޮޑުގެ ބިމުގަ އެވެ. އެތަނުގައި ބުރީގެ މިސްކިތެއް ބިނާ ކުރުމަށް ޝައުޤުވެރިކަން ފާޅުކުރެއްވި ވިޔަފާރިވެރިންގެ ޓީމަކާއި ހަވާލުކޮށް، އެއްބަސްވުމުގައި އިސްލާމިކް މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުޙައްމަދު ޝަހީމް އަލީ ސައީދެވެ.
އެ މިނިސްޓްރީން ބުނީ އެ މިސްކިތުގައި ޤުރްއާން ކިޔަވައި ދިނުމުގެ އިތުރުން ލައިބްރަރީގެ ޚިދުމަތް ވެސް ލިބެން ހުންނާނެ ކަމަށެވެ.
މި މިސްކިތުގެ ބިންގާ އަންނަ މަހުގެ ތެރޭގައި އަޅައި، ކުރިއަށް އޮރް ރޯދައިގެ ފަހުން އަމަ،ީ މަސައްކަތް ފަށާ ގޮތަށް ވަނީ ހަމަޖައްސައިފަ އެވެ.
ހެޔޮއެދޭ އެކިއެކި ފަރާތްތަކުން އަންނަނީ ރާއްޖޭގެ އެކި ހިސާބުތަކުގައި ޒަމާނީ ރީތި، ޖާގަ ތަނަވަސް މިސްކިތްތައް ބިނާކުރަމުންނެވެ. އެގޮތުން އެފަދަ އެތައް މަޝްރޫއެއް މިހާރު ވެސް އެކި ހިސާބުތަކުގައި ކުރިއަށް އެބަދެ އެވެ.
