ދިރުވާލައިގެން ރާއްޖެއަށް މަސްތުވާތަކެތި އެތެރެކުރަން މަސައްކަތް ކުރި ދެ ދިވެހިން ހައްޔަރުކޮށްފި އެވެ.
ދިރުވާލައިގެން ރާއްޖެއަށް މަސްތުވާތަކެތި އެތެރެކުރަން މަސައްކަތް ކުރި ކަމުގެ ތުހުމަތުގައި ހައްޔަރުކޮށްފައިވަނީ އުމުރުން 33 އަހަރުގެ ދިވެހި ފިރިހެނަކާއި އުމުރުން 40 އަހަރުގެ ދިވެހި ފިރިހެނެކެވެ.
އުމުރުން 33 އަހަރުގެ ދިވެހި ފިރިހެން މީހާއަކީ ނ. މަނަދޫ ޕީކޮކް، އިހްސާން އިސްހާގެވެ. އަދި އުމުރުން 40 އަހަރުގެ މީހާއަކީ، މއ. ސޭބޫ މުހައްމަދު ފާރިޝްއެވެ.
އިސްހާގު، އަދި ފާރިޝްވެސް ހައްޔަރުކޮށްފައިވާއިރު، ދެ މީހުންވެސް ތިބީ ދޫނިދޫ މެޑިކަލްސްގައި އެޑްމިޓްކޮށްފަ އެވެ. ދެ މީހުންގެ ބަންދަށްވެސް ފަސް ދުވަސް ޖަހާފައިވާއިރު، އެޑްމިޓްކޮށްފައިވާ ހާލަތު ބަދަލުވުމުން، 24 ގަޑިއިރު ތެރޭ އަލުން ކޯޓަށް ހާޒިރުކުރުމަށްވަނީ އަމުރުކޮށްފަ އެވެ.
މި ދެ މީހުންގެ ބަންދު އަމުރުން އެނގޭ ގޮތުގައި ދެ މީހުންގެ ހަށިގަނޑުގައިވެސް ފޮރިން ބޮޑީސް ހުރިކަމަށް ސްކޭންތަކުން ފެންނާތީ ދެ މީހުންވެސް ތިބީ އެޑްމިޓްކޮށްފަ އެވެ.
