މާދަމާ އެއާޕޯޓުގެ ޓްރެފިކް ބާރުވިޔަ ނުދިނުމަށްޓަކައި، ރާއްޖެއިން ފުރާ ފަސިންޖަރުން ތިން ގަޑިއިރު ކުރިން އެއާޕޯޓަށް ދިއުމަށް އެމްއޭސީއެލްއިން އިލްތިމާސްކޮށްފިއެވެ.
މާދަމާއަކީ އުމްރާވެރިންނާއެކު ގިނަ އަދަދެއްގެ ފަސިންޖަރުން ރާއްޖެ އަންނަ ދުވަހަކަށް ވުމާއެކު، އެއާޕޯޓުގެ މަގުތަކާއި ޓާމިނަލް ސަރަހައްދުގައި ތޮއްޖެހުން ކުޑަކުރުމަށް މި އިލްތިމާސް ކޮށްފައިވެއެވެ. އަދި ޕީކު ގަޑިތަކުގައި ޓެކްސީ ސެންޓަރުތަކާއި ޑްރައިވަރުންގެ އެއްބާރުލުން ހޯދައި، އެއާޕޯޓު ސަރަހައްދުގެ ޓްރެފިކް ތޮއްޖެހުނަ ނުދިނުމަށްވެސް ވަނީ އެދިފައެވެ.
އެމްއޭސީއެލްގެ އަންދާޒާތަކުން ދައްކާ ގޮތުގައި މާދަމާ ހެނދުނު 6:00 އިން 9:00 އާ ދެމެދު 618 އުމްރާވެރިން ހިމެނޭ ގޮތަށް 2،678 މީހުން ރާއްޖެ އަންނާނެއެވެ. މި ވަގުތުގައި 1,372 މީހުން ވަނީ ރާއްޖެއިން ފުރަން ހަމަޖެހިފައެވެ. ހަވީރު 2:00 އިން 4:00 އާ ދެމެދު 452 އުމްރާވެރިން ހިމެނޭ ގޮތަށް 2,071 މީހުން ރާއްޖެ އައުމަށް ހަމަޖެހިފައިވާއިރު، 1,091 މީހުން ފުރާނެ ކަމަށް ލަފާކުރެވެއެވެ.
