ބަންގްލަދޭޝްގައި މެޑިކަލް ދާއިރާގެ ހަތް ސްކޮލަޝިޕް ފުރުސަތަކަށް ކުރިމަތިލުމުގެ ދޮރު ހުޅުވާލައިފިއެވެ.
މިއީ ސާކް ގައުމުތަކަށް ހުޅުވާލެވުނު ސްކޮލަޝިޕް ޕްރޮގްރާމެއްގެ ދަށުން ދިވެހިރާއްޖެއަށް ލިބުނު ފުރުސަތުތަކެކެވެ. ހަޔަރ އެޑިޔުކޭޝަނުން ކުރި އިޢުލާނުގައިވާ ގޮތުން، މީގެ ތެރޭގައި ހިމެނެނީ އެމްބީބީއެސްގެ ހަ ސްކޮލަޝިޕާއި ބީޑީއެސްގެ އެއް ސްކޮލަޝިޕެވެ.
މި ފުރުސަތަށް ކުރިމަތިލެވޭނީ އޯލެވެލް ނުވަތަ އެސްއެސްސީ އިމްތިހާނުގެ ފަސް މާއްދާއިން "ސީ" އިން ފެށިގެން މަތީ ގްރޭޑެއް ހާސިލުކޮށްފައިވާ ދަރިވަރުންނަށެވެ. އަދި މި ފަސް މާއްދާގެ ތެރޭގައި ކެމިސްޓްރީ، ބައިއޮލޮޖީ އަދި ފިޒިކްސް ހިމެނުމަކީ މަޖުބޫރު ކަމެކެވެ. ސްކޮލަޝިޕަށް އެދި ހުށަހެޅުމުގެ ސުންގަޑިއަކީ މިހިނގާ ޖެނުއަރީ މަހުގެ 14 ވަނަ ދުވަހެވެ. އިޢުލާނުގައި ސްކޮލަޝިޕް ދިނުމުގެ އިތުރު ޝަރުތުތަކާއި، ކިޔެވުމުގެ ފުރުސަތު ލިބޭ ކޮލެޖުތަކުގެ މަޢުލޫމާތުވެސް ހިމަނާފައިވެއެވެ.
