ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް ފުރަން ދިޔަ ފަތުރުވެރިއެއްގެ އަތުން ވަޒަންތަކެއް ފެނިގެން އެ މައްސަލަ ތަހުގީގު ކުރަން ފަށައިފި އެވެ.
ފުލުހުން ބުނީ މިއަދު މި ވަޒަންތައް ފެނިގެން އެކަން ރިޕޯޓު ކުރީ ހެނދުނު 9:52 ގައި ކަމަށެވެ. ވަޒަން ފެނުނީ 60 އަހަރުގެ ފަތުރުވެރިއެއްގެ އަތުންނެވެ.
ފުލުހުން ބުނި ގޮތުގައި އެ ވަޒަންތަކާއި ގުޅިގެން ސާފު ކުރަންޖެހޭ މައުލޫމާތު އެ ފަތުރުވެރިޔާ ކައިރިން ދަނީ ސާފު ކުރަމުންނެވެ. އެމީހާއަކީ ކޮން ގައުމެއްގެ މީހެއްކަން ފުލުހުން ހާމައެއް ނުކުރެ އެވެ.
ވަޒަން ތައް ފެނިފައި މިވަނީ ރައީސް މުހައްމަދު ނަޝީދަށް ދިން ބޮމުގެ ހަމަލާއަށްފަހު އެކި ގޮތްގޮތުން ހަމަލާ ދޭނެ ކަމަށް މީހުން ބުނަމުންދާ ދަނޑިވަޅެއްގަ އެވެ. ފުލުހުން ދަނީ މިފަދަ މައްސަަތައް ސީރިއަސް މައްސަލަތަކެއްގެ ގޮތުގައި ބަލަމުންނެވެ.
އިއްޔެ މުލިއާގެ ކައިރިން ވަނީ އެތަން ގޮއްވައިލާނެކަމަށް ބުނި ދެ މީހަކު ހައްޔަރުކޮށްފަ އެވެ. އޭގެ ކުރިން މަޖިލިސް ގޮއްވައިލަން ބުނި މީހަކުވެސް ހައްޔަރު ކުރި އެވެ.
