ފޮރިން މިނިސްޓްރީ ކުރިން ހިންގަމުން އައި އިމާރާތުގެ މަރާމާތު ނިމި އެމިނިސްޓްރީ ހިންގުން އެތަނަށް ބަދަލުކުރަން ނިންމައިފި އެވެ.
ކުރީގެ އިމާރާތަށް މިނިސްޓްރީ ބަދަލު ކުރާނީ މާދަމާ އެވެ.
ބޮޑު ތަކުރުފާނު މަގުގައި ހުންނަ މި އިމާރާތަކީ ކުރީގެ ރައީސް މައުމޫނު އަބްދުލް ގައްޔޫމުގެ ސަރުކާރުގައި ޗައިނާ ސަރުކާރުގެ ހިލޭ އެހީގައި އަޅައިދިން އިމާރާތެކެވެ. އެ އިމާރާތް ހަލާކުވާން ފެށުމުން މަރާމާތަށް ބަންދު ކުރީ 2019 ވަނަ އަހަރު އެވެ.
އޭގެ ފަހުން މިނިސްޓްރީ ހިންގަމުން އައިސްފައިވަނީ ހުޅުމާލެ ފެރީ ޓާމިނަްގައި ހުންނަ އެމްޓީސީސީގެ އިމާރާތުގަ އެވެ.
ފޮރިން މިނިސްޓްރީން މިއަދު ބުނީ، މާދަމާ އިން ފެށިގެން އެ މިނިސްޓްރީ ހިންގާނީ ޗައިނާ ސަރުކާރުން އިމާރާތް ކުރި ތަނުގައި ކަމަށެވެ. އިމާރާތް ބަދަލުވުމުގެ މަރުހަލާ ކުރިއަށް ގެންދާއިރު މިނިސްޓްރީން ދެމުން ގެންދާ ހިދުމަތްތަކަށް ދިމާވެދާނެ ދަތިތަކަށްޓަކައި ފޮރިން މިނިސްޓްރީން މާފަށް އެދެ އެވެ.
ފޮރިން މިނިސްޓްރީގެ ރަސްމީ އިމާރާތް އަލުން ހުޅުވާއިރު އެތަނުގެ ނަން ވަނީ ބަދަލުކޮށްފަ އެވެ. ކުރީގެ ފޮރިން މިނިސްޓަރު ފަތުރުﷲ ޖަމީލުގެ ހަނދާނުގައި އެ އިމާރާތުގެ ނަން ދީފައި ވަނީ "ފަތުހުއްﷲ ޖަމީލުގެ ބިލްޑިންގް" ގެ ގޮތުގަ އެވެ.
