ކުރީގެ ރައީސް މުހައްމަދު ނަޝީދަށް ސޯޝަލް މީޑިއާގައި އިންޒާރުދިން މީހަކު 10 އަހަރަށް ޖަލަށްލާން ހުކުމްކޮށްފިއެވެ.
ނަޝީދަށް އެކި ފަހަރު މަތިން އިންޒާރުދިން މައްސަލައިގައި ޖަލަށްލާން ހުކުމް ކުރީ، ހ. ލައިޓްނައިޓް، އިސްމާއިލް ޔާފިސްގެ މައްޗަށެވެ.
އޭނާގެ މައްޗަށް ދައުލަތުން ތިން ދައުވާއެއް އުފުލިއެވެ. އެއީ ޓެރަރިސްޓް ޖަމާއަތަކަށް ތާއީދު ކުރުމުގެ ދައުވާ އާއި ޓެރަރިޒަމްގެ އަމަލެއް ހިންގާނެ ކަމުގެ އިންޒާރު ދިނުމުގެ ދައުވާ އާއި ޓެރަރިޒަމްގެ އަމަލަކަށް ހިތްވަރު ދިނުމުގެ ދައުވާ އެވެ.
ސޯޝަލް މީޑިއާގެ އިތުރުން، ފުލުހުންގެ ތަހުގީގާއި ޝަރީއަތުގެ މަޖިލީހުގައި ވެސް ޔާފިސް ނަޝީދު އަވަހާރަކޮށްލަން ހަމަލާތަކެއް ދޭނެ ކަމަށް ބުނެފައިވެ އެވެ.
އެ މައްސަލައިގައި އޭނަގެ މައްޗަށް ތިން ދައުވާއެއް އުފުލި އެވެ. އެއީ ޓެރަރިސްޓު ޖަމާއަތަކަށް ތާއީދު ކުރުމުގެ ދައުވާ އާއި ޓެރަރިޒަމްގެ ހަމަލާއެއް ހިންގާނެކަމުގެ އިންޒާރު ދިނުމާއި ޓެރަރިޒަމްގެ އަމަލެއް ކުރުމަށް ހިތްވަރު ދިނުމުގެ ކުށުގެ ދައުވާ އެވެ.
ޓެރަރިސްޓު ޖަމާއަތަކަށް ތާއީދުކުރި މައްސަލައިގައި ޔާފިސް މައްޗަށް ދެ އަހަރުގެ ހުކުމެއް އިއްވި އިރު، ޓެރަރިޒަމްގެ އަމަލެއް ހިންގާނެކަމުގެ އިންޒާރު ދިން މައްސަލައިގައި އިއްވީ ތިން އަހަރުގެ ހުކުމެކެވެ. އަދި ޓެރަރިޒަމްގެ އަމަލެއް ކުރުމަށް ހިތްވަރު ދިން މައްސަލައިގައި އިއްވީ ފަސް އަހަރުގެ ހުކުމެކެވެ.







