ސްރީ ލަންކާއަށް މިހާރު ކުރަމުންދާ ވިއްސާރައާ ގުޅިގެން, އެގައުމުގައި އެހީތެރިކަން ބޭނުންވެފައިވާ ދިވެހީންނަށް އަސާސީ ކާބޯތަކެތި ފޯރުކޮށްދިނުމުގެ މަސައްކަތް ފަށާފައިވާ ކަމަށް ލަންކާގައި ހުންނަ ރާއްޖޭގެ ހައި ކޮމިޝަނުން ބުނެފި އެވެ.
ހައި ކޮމިޝަނުން ބުނީ ލަންކާއަށް ކުރިމަތިވެފައިވާ ފެންބޮޑުވުމުގެ ޙާދިސާގައި އެހީތެރިކަން ބޭނުންވާ ފަރާތްތައް ރިޕޯޓުކުރުމަށް ކޯލް ސެންޓަރެއް ގާއިމުކޮށްފައިވާ ކަމަށާއި އެހީތެރިކަމަށް އެދުނު ފަރާތްތަކަށް އެހީ ފޯރުކޮށްދިނުމުގެ މަސައްކަތް ފަށާފައިވާ ކަމަށެވެ. އަދި މި ހާދިސާގައި ގެއްލުންވި ލަންކާގެ ރައްޔިތުންނަށް އެހީތެރިކަން ފޯރުކޮށްދޭން ވެސް ތައްޔާރުވަމުންދާ ކަމަށް ބުންޏެވެ.
އެގޮތުން ކާން ބޭނުންވާ ސާމާނާއި ފެން ފޯރުކޮށްދިނުމުގެ މަސައްކަތާއި ދިވެހިންނަށް ގުޅާ ދިމާވާ ދަތިތައް އޮޅުން ފިލުވާ ހާލަތު އަންނަނީ ދެނެގަންނަމުން ކަމަށް ހައިކޮމިޝަނުން ބުނެއެވެ.
މީގެއިތުރުން ލަންކާ އެއާޕޯޓުގައި ނުފުރި ތިބި ދިވެހިންގެ ހާލަތު ދެނެގަނެ އެހީވުމުގެ މަސައްކަތް ވެސް ކުރަމުންދާ ކަމަށް ހައި ކޮމިޝަނުން ބުނެ އެވެ.
