ސުޕްރީމް ކޯޓު ކުރިމަތިން، ރިމޯޓް ކޮންޓްރޯލުން ދުއްވާ ޒާތުގެ ކުޑަ ކާރެއް ފެނިގެން އެ ސަރަހައްދު ބަންދުކޮށް ސިފައިން ހަރަކާތްތެރިވާން ފަށައިފި އެވެ.
ކާރު މިހާރު ސިފައިންގެ ބެލުމުގެ ދަށަށް ގެންގޮސްފައިވާކަމަށް މައުލޫމާތު ލިބެ އެވެ. އެހެންނަަމެވެސް ކާރާއި ބެހޭ އެއްވެސް މައުލޫމާތެއް ސިފައިން ހިއްސާއެއް ނުކުރެ އެވެ.
ފެންނަ ފެނުމަށް އެއީ އާންމުކޮށް ބާޒާރުގައި ލިބެން ހުންނަ ޒާތުގެ ކުޅޭކުޅޭ ކުޑަ ކާރެކެވެ.
މިދިޔަ މެއި މަހު ރައީސް މުހައްމަދު ނަޝީދަށް އަމާޒުކޮށް ދިން ހަމަލާއަށްފަހު ސަލާމަތީ ބާރުތަކުން ވަނީ ސެކިއުރިޓީ ވަރަށް ވަރުގަދަކޮށްފަ އެވެ. ހާއްސަކޮށް ގްރީން ޒޯނުތަކުގައި ސިފައިން އަންނަނީ ހަތިޔާރާއިއެކު ހަރަކާތްތެރިވަމުންނެވެ.
މިއަދު ސުޕްރީމް ކޯޓު ކައިރީގައި އޮޕަރޭޝަން ކުރިއަށް ގެންދިޔައީ ފުލުހުންނާއި ސިފައިން ގުޅިގެންކަން ފާހަގަކޮށްލެވެ އެވެ.
+1
1
+1
+1
3
+1
+1
+1
