ކޮވިޑް-19 ޖެހިގެން ރޭ 12 ގެ ފަހުން ރާއްޖެއިން އުމުރުން ދުވަސްވީ މީހަކު ނިޔާވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ރޭ ދަންވަރު 1:05 ގައި ނިޔާވީ އުމުރުން 91 އަހަރުގެ ދިވެހި އަންހެނެއް ކަމަށެވެ. އެމީހާއަށް ކޮވިޑު ޖެހިގެން ފަރުވާ ދެމުން ދިޔައީ ބ އަތޮޅުގައި ހުންނަ ކޮވިޑް މެނޭޖްމެންޓު ފެސިލިޓީގަ އެވެ.
މިއީ ރާއްޖެއިން ކޮވިޑުގައި މަރުވި 217 ވަނަ މީހާ އެވެ.
ރާއްޖޭގައި ކޮވިޑު ޖެހިގެން މަރުވާ މީހުންގެ އަދަދު ވަނީ އިންތިހާއަށް ދަށަށް ގޮސްފަ އެވެ. ހާއްސަކޮށް މާލެ ސަރަހައްދުގައި ކޮވިޑުގެ ހާލަތު ރަނގަޅުވެ، ވެކްސިން ޕްރޮގުރާމް އަލުން ފެށި ފަހުން މަރުވާ މީހުންގެ އަދަދު ވަރަށް ބޮޑަށް މަދުވި އެވެ.
+1
1
+1
+1
+1
+1
+1
