ކޮވިޑް-19 އާއި ގުޅިގެން މޮނިޓަރިން ހާލަތުގައި އޮތް ރަށްރަށުގެ އަދަދު 14 އަށް ތިރިވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ އެންމެ ފަހުގެ މައުލޫމާތުތައް ދައްކާ ގޮތުން މިހާރު ބަންދުގައި އޮތީ ފ. ފީއަލި، ޏ. ފުވައްމުލައް، ގއ. ވިލިނގިލި، އއ. ތޮއްޑޫ، ރ. ދުވާފަރު، ގއ. ދުވާފަރު އަދި ރ. މީދޫ އެވެ. މީގެ އިތުރުން ކ. ގުރައިދޫ، ށ. ފޯކައިދޫ، ގދ. ނަޑެއްލާ، ކ. ކާށިދޫ، އއ. ރަސްދޫ، ތ. ކިނބިދޫ ގެ އިތުރުން ގދ. ތިނަދޫވެސް އޮތީ މޮނިޓަރިންގަ އެވެ.
މިރަށްތަކުގެ ތެރެއިން އެންމެ ގިނަ ދުވަސް ވަންދެން މޮނިޓަރިން ހާލަތުގައި އޮތީ ތިނަދޫ އެވެ. އެރަށް މޮނިޓަރިންއަށް ލާފައި ވަނީ މިދިޔަ އޭޕްރީލް މަހުގެ 24 ވަަނަ ދުވަހު އެވެ. އެރަށުން ބަލި ޖެހުނު މީހުންގެ އަދަދު 900 އިން މައްޗަށް އަރައިގެން ދިޔަނަމަވެސް މިހާރު ބަލި ޖެހިފައި ތިބި 82 މީހުންނެވެ.
މޮނިޓަރިން ހާލަތަށް ލާފައި އޮތް ގިނަ ރަށްތައް މިހާރު ވަނީ މޮނިޓަރިންއިން ނަގައިފަ އެވެ. އެއީ އެރަށްތަކުގައި ކޮވިޑުގެ ހާލަތު ރަނގަޅުވެފައިވާތީ އެވެ.
