ކޮވިޑް-19 ޖެހިގެން ރާއްޖެއިން އިތުރު މީހަކު ނިޔާވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ރޭ 11:43 ގައި ނިޔާވީ އުމުރުން 60 އަހަރުގެ ދިވެހި ފިރިހެނެއް ކަމަށެވެ. އެމީހާއަށް ކޮވިޑު ޖެހިގެން ފަރުވާ ދެމުން ދިޔައީ ހުޅުމާލެ މެޑިކަލް ފެސިލިޓީގަ އެވެ.
މިއީ މިބަލީގައި ރާއްޖެއިން ނިޔާވި 219 ވަނަ މީހާ އެވެ.
ކޮވިޑުގައި މަރުވާ މީހުންގެ އަދަދު ވަރަށް ބޮޑަށް މަދުވެފައިވާއިރު އެންމެ ފަހުން މިބަލީހައި މީހަކު ނިޔާވީ މީގެ ތިން ދުވަސް ކުރިންނެވެ. އެއީ އުމުރުން 82 އަހަރުގެ ދިވެހި ފިރިހެނެކެވެ. އެމީހާއަށް ބަލީގައި ފަރުވާ ދެމުން ދިޔައީ ހުޅުމާލެ މެޑިކަލް ފެސިލިޓީގަ އެވެ.
ރާއްޖޭގައި ކޮވިޑު މަރުތައް އެންމެ ބޮޑަށް މައްޗަށް ދިޔައީ މިދިޔަ މެއި މަހުގެ ތެރޭގަ އެވެ. އެމަހު އެކަނިވެސް 80 އަށްވުރެއް ގިނަ މީހުން ރާއްޖެއިން ނިޔާވި އެވެ.
+1
+1
+1
+1
+1
+1
