މާލޭގައި ހުންނަ ސައިކަލު ވިއްކާ ފިހާރަ، ޝީޝާގެ ޝޯރޫމުގައި އަލިފާނުގެ ހާދިސާއެއް ހިނގައިގެން އެމްއެންޑީއެފްއިން ހަރަކާތްތެރިވެއްޖެ އެވެ.
އެމްއެންޑީއެފްގެ މީޑިއާ އޮފިސަރު އިބްރާހިމް އާޒިމް ވިދާޅުވީ ޝީޝާ ޝޯރޫމުގައި އަލިފާނުގެ ހާދިސާއެއް ހިނގައިގެން އެކަމުގެ ރިޕޯޓު އެ އިދާރާއަށް ލިބުނީ މިއަދު ހެނދުނު 11:48 ގައި ކަމަށެވެ. އަލިފާން ރޯވެފައިވަނީ ޝީޝާ ޝޯރޫމުގެ ކަރަންޓު ބޯޑުގައި ކަމަށް އާޒިމް ވިދާޅުވި އެވެ.
ރޯވި އަލިފާން ނިވާލާފައިވަނީ ޝޯރޫމުގައި މަސައްކަތް ކުރާ މުވައްޒަފުންކަމަށް އާޒިމް ވިދާޅުވި އެވެ. އަދި ހާދިސާގައި އެއްވެސް މީހަކަށް ގެއްލުމެއް ނުލިބޭކަމަށް އޭނާ ވަނީ ވިދާޅުވެފަ އެވެ.
ޝީޝާ ޝޯރޫމަކީ ސައިކަލު ވިއްކާ ފިހާރައެކެވެ. މިއަދުގެ އަލިފާނުގެ ހާދިސާގައި އެއްވެސް ސައިކަލަކަށް ގެއްލުންވި ކަމެއްގެ ރިޕޯޓު މިހާތަނަށް ލިބިފައެއް ނުވެ އެވެ.
+1
+1
+1
+1
+1
+1
