ފޮރިން މިނިސްޓަރު އަބްދުﷲ ޝާހިދު ރޭގެ ވަގުތެއްގައި ބަލްގޭރިއާއަށް ފުރާވަޑައިގެންފި އެވެ.
ފޮރިން މިނިސްޓްރީން ބުނީ މިއީ ރަސްމި ދަތުރުފުޅެއް ކަމަށެވެ. އަދި މި ދަތުރުފުޅުގައި ބަލްގޭރިއާގެ ފޮރިން މިނިސްޓަރު ސްވެޓްލާން ސްޓޯވް އާއި ޝާހިދު ބައްދަލު ކުރައްވާނެ ކަމަށްވެސް މިނިސްޓްރީން ބުންޏެވެ.
ދަތުރުފުޅާއި ގުޅޭގޮތުން މިނިސްޓަރު ޝާހިދު ވިދާޅުވީ ބަލްގޭރިއާގެ ފޮރިން މިނިސްޓަރާއިއެކު ބާއްވަވާ ބައްދަލުކުރެއްވުމައި ރާއްޖެއާއި ބަލްގޭރިއާއާ ދެމެދުގައި އޮންނަ ގުޅުން އިތުރަށް ބަދަހިކުރެވޭނެ ގޮތްތަކާއި، އިތުރަށް ދެ ގައުމު އެކުގައި ކުރިޔަށްދެވޭނެ ގޮތްތަކާއި މެދު މަޝްވަރާކުރައްވާނެކަމަށެވެ.
Minister of Foreign Affairs and President-elect of the 76th Session of the United Nations General Assembly, @abdulla_shahid departs to #Bulgaria on an official visit from 27 to 29 July 2021
📃 Press Release | https://t.co/cYrkIH2m3q pic.twitter.com/FmXuTPGlcC
— Ministry of Foreign Affairs 🇲🇻 (@MoFAmv) July 27, 2021
މީގެ އިތުރުން އދ. ގެ އާންމު މަޖިލީހުގެ ރައީސްގެ ހައިސިއްޔަތުން ކުރައްވަން ގަސްތުކުރައްވާ މަސައްކަތްތަކާއި ގުޅޭގޮތުންވެސް މަޝްވަރާ ކުރައްވާނެ ކަމަށް ޝާހިދު ވިދާޅުވި އެވެ.
މި ދަތުރުފުޅުގައި ޝާހިދާއި އެކު އިނގިރޭސި ވިލާތަށް ރާއްޖެއިންކަނޑައަޅާފައިވާ ސަފީރު ޑރ.ފަރަހަނާޒް ފައިސަލް އަދި އިނގިރޭސި ވިލާތުގައި ހުންނަ ރާއްޖޭގެ ހައި ކޮމިޝަންގެ ތާޑް ސެކެރެޓާރީ މަރިޔަމް އަފްނާން ވެސް ބައިވެރިވެވަޑައިގަންނަވަ އެވެ.
ޝާހިދު ބަލްގޭރިއާއަށް ފުރާވަޑައިގެންނެވިއިރު އިންޑިއާގެ ދައުވަތަކަށް އދ. ގެ އާންމު މަޖިލީހުގެ ރައީސްގެ ހައިސިއްޔަތުން ކުރެއްވި ދަތުރުފުޅު ނިންމަވާލައްވާ ރާއްޖެ ވަޑައިގެންނެވިތާ މިއަދަށް މިއީ ތިންވަނަ ދުވަހެވެ.
