މޫސުމަށް އަންނަމުންދާ ބަދަލުތަކުގެ ސަބަބުން ރާއްޖެ ނެތިގެން ހިނގައިދާނެ ކަމުގެ ބިރު ބޮޑުވެފައިވާކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ބީބީސީން ގެނަސްދިން ރިޕޯޓެއް ހިއްސާ ކުރައްވަމުން ނަޝީދު ވިދާޅުވީ ރާއްޖެ ފަދަ މޫސުމީ ގޮތުން ނާޒުކު ގައުމުތަކަށް ކުރާ އަސަރު އިތުރުވެދާނެ ކަމުގެ ބިރު އެބަ އޮތްކަމަށެވެ. އަދި އދ. އާއި ހަވާލާދީ ގެނަސްދީފައިވާ އެ ރިޕޯޓުން އެކަމަށް އިތުރަށް ހެކި ދޭކަމަށް ރައީސް ނަޝީދު ވިދާޅުވި އެވެ.
This report is devastating news for the most climate-vulnerable countries like the Maldives. It confirms we are on the edge of extinction. climate emergency is intensifying, we are on the front lines. Our nations are already battered by extreme climate .https://t.co/LL4DrCBbLp
— Mohamed Nasheed (@MohamedNasheed) August 9, 2021
މޫސުމީ ބަދަލުތަކާއި ގުޅޭގޮތުން ބީބީސީން ތައްޔާރު ކުރި ރިޕޯޓުގައި ބުނެފައިވަނީ ދުނިޔޭގެ ހޫނުމިން ރެކޯޑު މިންވަރަކަށް އުފުލި ފެންބޮޑުވުމާއި، ޖަންގަލިތަކުގައި އަލިފާން ރޯވުން އިތުރުވެފައިވާ ކަމަށެވެ.
މޫސުމީ އެކި ބަދަލުތަކުގެ ސަބަބުން ކުރިއަށް އޮތް 100 އަހަރު ނުވަތަ 1000 އަހަރަށް ކަނޑުގެ ލޮނުގަނޑު އުފުލެމުންދާނެ ކަމަށް ވަނީ ބުނެފަ އެވެ.
ބީބީސީގެ ރިޕޯޓުގައި ހަވާލާ ދީފައިވަނީ މޫސުމީ ބަދަލުތަކާ ގުޅޭ ގޮތުން ސައިންސްވެރިން އެކުލަވައިލާފައިވާ 14،000 އަށްވުރެ ގިނަ ދިރާސާ ރިޕޯޓަކަށެވެ.
