މިއަދު ރާއްޖެއިން ކޮވިޑް-19 ވެކްސިން ވެކްސިންގެ ފުރަތަމަ ޑޯޒް 1،150 މީހުންނަށް އަދި ދެވަނަ ޑޯޒް 1،602 މީހުންނަށް ދީފި އެވެ.
ހެލްތު ޕްރޮޓެކްޝަން އޭޖެންސީ އެޗްޕީއޭއިން އާންމު ކުރި މައުލޫމާތުތައް ދައްކާ ގޮތުން މާލެ ސަރަހައްދުން ދެވަނަ ޑޯޒް މިއަދު ދިނީ 953 މީހުންނަށެވެ. އަދި އަތޮޅު ތެރެއިން 649 މީހުންނަށެވެ.
މާލެ ސަރަހައްދުގައި ފުރަތަމަ ޑޯޒް ދިނީ 669 މީހުންނަށެވެ. އެހެނިހެން ރަށްތަކުން 481 މީހުންނަށް ފުރަތަމަ ޑޯޒް ވަނީ ދީފަ އެވެ.
މިއާއިއެކު މުޅި ޖުމްލަ ފުރަތަަމަ ޑޯޒް ދިން މީހުންގެ އަދަދު މިވަނީ 331،654 އަށް އަރައިފަ އެވެ. އަދި ދެވަނަ ޑޯޒް ދިން މީހުންގެ އަދަދު އުޅެނީ 285،931 ގަ އެވެ.
މާލެ ސަރަަހައްދުގައި ޖުމްލަ 6 ވެކްސިނޭޝަން ސެންޓަރުގައި ދެ ވެކްސިނެއް އަންނަނީ ދެމުންނެވެ. އެއީ އެސްޓްރެޒެނިކާ ވެކްސިންގެ އިތުރުން ސިނޮފާމް ވެކްސިނެވެ. ފައިޒާ ވެކްސިންގެ މަދު ޑޯޒެއް މިހާރުވެސް ދެމުން އަންނައިރު އެމެރިކާގެ އެހީގައި މިއަދު ވަނީ ފައިޒާ ވެކްސިންގެ އިތުރު ޑޯޒް ފޯރުކޮށްދީފަ އެވެ.
ފައިޒާ ވެކްސިން ދޭން ސަރުކާރުން ނިންމާފައިވަނީ އުމުރުން 12 އަހަރާއި 17 އަހަރާއި ދެމެދުގެ އުމުރުފުރާ އަށެވެ. އެގޮތުން އެޑިއުކޭޝަން މިނިސްޓްރީއާއި އެޗްޕީއޭ އާއި ގުޅިގެން ސްކޫލުތަކުގައިވެސް ވެކްސިން ދިނުމުގެ ހާއްސަ ޕްރޮގުރާމެއް ފަށަން ވަނީ ތައްޔާރުވެފަ އެވެ.
