މާލެއާއި ހުޅުލެ އަދި ހުޅުމާލެ ގުޅާލާފައިވާ ބްރިޖުގެ ގޭޓުގައި ޖަހާފައި ހުރި ދަބަރުތައް ފިލުވައި ދަވާދު ލުމުގެ މަސައްކަތް ފަށައިފި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ތަރައްގީކުރި ސިނަމާލެ ބްރިޖު ބެލެހެއްޓުމުގެ ކަންކަން ހަވާލުކޮށްފައިވަނީ ބްރިޖުގެ މަސައްކަތް ކުރި ޗައިނާގެ ކުންފުންޏާ އެވެ. އެހެންނަމަވެސް ގޭޓު ބެލެހެއްޓުމާއި ބޮކިތައް ދިއްލުމުގެ މަސައްކަތް މަތިކުރެވިފައިވަނީ ހައުސިންގް އެންޑް ޕްލޭނިންގް މިނިސްޓްރީ އާއެވެ.
ބްރިޖުގެ ގޭޓުގައި ދަބަރު ޖަހާފައިވާކަން މީޑިއާއިން ސަމާލުކަމަށް ގެނައުމުން ހައުސިންގް މިނިސްޓްރީން މިއަދު ބުނީ ދަބަރު ފިލުވައި ދަވާދު ލުމުގެ މަސައްކަތް ފަށާފައިވާ ކަމަށެވެ. އެހެންނަމަވެސް އެމަސައްކަތަށް ހޭދަވާނެ ހަރަދެއް އެ މިނިސްޓްރީން ހާމައެއް ނުކުރެ އެވެ.
ބްރިޖު ތަރައްގީކޮށް ބޭނުންކުރަން ފެށިތާ 3 އަހަރު ވެފައިވާއިރު މިއީ ބްރިޖުގެ ގޭޓުގެ އާބާތުރަ ފިލުވާ ފުރަތަމަ ފަހަރެވެ.
