18 އަހަރު ނުފުރޭ ކުޑަ ކުއްޖަކު ބަލިވެ އިނދެ މޯލްޑިވްސް ޕޮލިސް ސާވިސްއާއި ގުޅިގެން ރައްކާތެރިކަން ފޯރުކޮށްދެމުން ދާކަމަށް ޖެންޑާ މިނިސްޓްރީން ބުނެފި އެވެ.
ޖެންޑާ މިނިސްޓްރީގެ ޗައިލްޑް އެންޑް ފެމިލީ ޕްރޮޓެކްޝަން ސާވިސްއިން ބުނީ ކުޑަކުއްޖަކު ބަލިވެއިންކަމުގެ ރިޕޯޓު އިއްޔެ ހަވީރުގެ ވަގުތެއްގައި އެ ސާވިސްއަށް ލިބިފައިވާ ކަމަށެވެ. އަދި މިނިސްޓްރީން ބެލި ބެލުމުން މިމައްސަލައިގައި ޝާމިލުވާ ފިރިހެން ކުއްޖާއަކީވެސް 18 އަހަރު ނުފުރޭ ކުއްޖެއްކަމަށް ބުންޏެވެ.
މިމައްސަލައާއި ގުޅިގެން ޖެންޑާ މިނިސްޓްރީން އިތުރަށް ބުނީ ޝާމިލުވާ ދެކުދިންނަށްވެސް އިޖުތިމާއީ ރައްކާތެރިކަން ފޯރުކޮށްދެމުން ދާކަމަށެވެ. މީގެ އިތުރުން ނަފްސާނީ ގޮތުންވެސް ކުދިންނާއި ކުދިންގެ އާއިލާތަކަށް އެހީތެރިކަން ފޯރުކޮށްދޭނެ ކަމަށް ބުންޏެވެ.
މިނިސްޓްރީން ވަނީ ކުޑަކުދިންގެ ކަރާމާތަށް އުނިކަން އަންނާނެފަދަ މައުލޫމާތު އާންމު ނުކުރަން އިލްތިމާސްކޮށްފަ އެވެ.
