ކުރީގެ ރައީސް އަބްދުﷲ ޔާމީންގެ މައްޗަށް ދަށު ކޯޓުތަކުން ކޮށްފައިފާ ޖަލު ހުކުމް އިސްތިއުނާފުކުރަން ކުށަހެޅި މައްސަލައިގެ އަޑުއެހުމެއް މާދަމާ ސުޕްރީމް ކޯޓުގައި ބާއްވަން ތާވަލުކޮށްފި އެވެ.
އެމްއެމްޕީއާރުސީ ހިޔާނާތުގެ މައްސަލައަކާއި ގުޅިގެން މަނީ ލޯންޑަރިންގެ ކުށް ސާބިތުވެ ރައީސް ޔާމީންގެ މައްޗަށް ވަނީ ފަސް އަހަރުގެ ޖަލު ހުކުމެއް އިއްވައިފަ އެވެ. މިދިޔަ 2019 ވަނަ އަހަރު ކްރިމިނަލް ކޯޓުން ކުރި އެ ހުކުމުގައި ވަނީ ރައީސް ޔާމީންގެ މައްޗަށް ފަސް މިލިއަން ޑޮލަރުގެ ޖޫރިމަނާއެއްވެސް އިއްވައިފަ އެވެ.
ސުޕްރީމް ކޯޓަށް ހުށަހެޅި އިސްތިއުނާފު މައްސަލަ އެކޯޓުން ބަލައިގެންފައިވަނީ މިއަހަރުގެ އޭޕްރީލް މަހުގެ 19 ވަނަ ދުވަހު އެވެ. މާދަމާ ހެނދުނު 9:00 އަށް ތާވަލުކޮށްފައިވަނީ މި މައްސަލައިގެ ފުރަތަމަ އަޑުއެހުމެވެ.
+1
+1
+1
+1
+1
+1
