މާލޭ ގެސްޓު ހައުސްއެއްގެ ތެރޭގައި ޒުވާން ފިރިހެނަކު ބަރަހަނާކޮށް އަނިޔާކޮށްފި އެވެ.
އެ ޒުވާނާއަށް އަނިޔާކުރާ ވީޑިއޯ ވަނީ ސޯޝަލް މީޑިއާގައި އާންމުވެފަ އެވެ. މީގެ ކުރިންވެސް މި އެޒުވާނާއަށް އަނިޔާކުރާ ވީޑިއޯއެއް އާންމުވި އެވެ.
ވީޑިއޯތަކުގައި އެ ޒުވާނާ ކައިރީގައި "ވަޑި" ކައިރީ މައާފަށް އެދެން ބުނެ އެވެ. އަދި "ވަޑި" އާއި "ގެޅުން" ހުއްޓާލައި މައާފަށް އެދެންވެސް އެ ޒުވާނާ ކައިރީގައި ބުނެ އެވެ. ތަކުރާރުކޮށް މައާފަށް އެދެން ބުނުމުން ޒުވާނާ މައާފަށްވެސް އެދެ އެވެ.
މި ވީޑިއޯގެ މައްސަލަ ފުލުހުންނަށް ހުށަހަޅާފައިވާއިރު އެކަން ބަލަމުން ދާކަމަށް ފުލުހުން ބުނެ އެވެ.
މި މައްސަލައިގެ ތުހުމަތު ސަރުކާރު ކުންފުންޏެއްގެ މެނޭޖިންގް ޑިރެކްޓަރަށް ކުރެވޭއިރު މިކަން ވަނީ ޕްރޮސެކިއުޓާ ޖެނެރަލް ހުސައިން ޝަމީމަށާއި، ކޮމިޝަނާ އޮފް ޕޮލިސް މުހައްމަދު ހަމީދުގެ ސަމާލުކަމަށްވެސް ގެނަސްފަ އެވެ.
