ކޮވިޑް-19 ގެ ސަބަބުން ދަތުރުފަތުރު ކުރުން މަނާކޮށް މޮނިޓަރިން ހާލަތުގައި 11 ރަށެއް އޮތްކަމަށް އެޗްޕީއޭއިން ބުނެފި އެވެ.
މޮނިޓަރިން ހާލަތުގައި އޮތް ރަށްތަކުގެ އެންމެ ފަހުގެ ލިސްޓު ދައްކާ ގޮތުން މި ލިސްޓުގައި މިހާރު އޮތީ ކ. ގުޅި، އެއަތޮޅު ގާފަރު، ގއ. ގެމަނަފުށި، އެއަތޮޅު މާމެންދޫ އަދި ވިލިނގިއްޔެވެ. މީގެ އިތުރުން އައްޑޫ ސިޓީގެ ހިތަދޫ، މަރަދ، މަރަދޫފޭދޫ، ފޭދޫގެ އިތުރުން ހުޅުމީދޫވެސް އޮތީ މޮނިޓަރިންގަ އެވެ. ތ. ދިޔަމިނގިލީވެސް އޮތީ މޮނިޓަރިންގަ އެވެ.
އެންމެ ދިގު މުއްދަތަކަށް މޮނިޓަރިންގައި މިހާރު އޮތް ރަށަކީ ކ. ގާފަރެވެ. އެރަށް މިނޮޓަރިންގައި އޮންނަތާ މަހަކަށްވުރެއް އިތުރުވެފައިވާކަން ފާހަގަކޮށްލެވެ އެވެ.
ރާއްޖޭގައި ކޮވިޑުގެ ހާލަތު އެއްވަރެއްގައި ހިފެހެއްޓުފައިވާއިރު މާލެ ސަރަހައްދާއި އަތޮޅު ތެރޭގައިވެސް ބައްޔަށް އަލަށް ޕޮޒިޓިވްވާ މީހުންގެ އަދަދު އުޅެނީ އެވަރޭޖްކޮށެވެ. އެގޮތުން އިއްޔެ ކޮވިޑަށް ޕޮޒިޓިވްވީ ޖުމްލަ 61 މީހުންނެވެ.
