މިއަދު ކުރިއަށްދާ އެމްޑީޕީގެ އެތެރޭގެ އިންތިހާބުގެ އިންތިޒާމުގެ ކަންކަން ދޯދިޔާކަމުގެ ޝަކުވާ ސޯޝަލް މީޑިއާގައި ބައެއް ފަރާތްތަކުން ކުރަން ފަށައިފި އެވެ.
މިއަދު ހެނދުނު 9:00 ގައި ފެށި އިންތިހާބުގައި ބައެއް ވޯޓުފޮށިތައް ކައިރީގައި އޮފިޝަލުން ނެތްކަމުގެ ޝަކުވާ ގިނަ ފަރާތްތަކުން ކުރެ އެވެ. އަދި ބައެއް ވޯތު ފޮށި ހުންނަ ސަރަހައްދުތަކުގައި ކޮން ދާއިރާއެއްގެ އަދި ކޮން ނަމްބަރެއްގެ ފޮއްޓެއްތޯވެސް ޖަހާފައި ނެތްކަން ވަނީ ފާހަގަކުރެވިފަ އެވެ.
މިއަދު ހެނދުނު 9:00 ޖެހިއިރު ބައެއް ވޯޓު ފޮށިތަކުގައި ވޯޓުލާން ނުފެށިވެސް ހުއްޓެވެ. އެގޮތުން އޮފިޝަލުން ނެތުމުން އެފޮށިތަކުގައި ވޯޓު ލާން ފެށީ ފަހުންނެވެ.
އެމްޑީޕީގެ އެތެރޭގެ އިންތިހާބުގެ ވޯޓުލުން ކުރިއަށްދާނީ މިއަދު ހަވީރު 5:00 އާއި ހަމައަށެވެ.
ޖުމްލަ 455 އިންތިހާބު ކުރާ މި އިންތިހާބުގައި ވޯޓުލުމުގެ ކުރިން 165 ކެނޑިޑޭޓުން ވަނީ ހޮވިފަ އެވެ. އެއީ އެ ދާއިރާތަކަށް ވާދަކުރާނެ އިތުރު ކެނޑިޑޭޓަކު ނެތުމުންނެވެ.
