ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު، އއ. މަތިވެރިއަށް ވަޑައިގަތުމުން އޭނާއަށް ހަމަލާދިން ދެ މީހުންގެ ބަންދަށް 7 ދުވަސް ޖަހައިފި އެވެ.
ފުލުހުން ބުނީ އެ ދެމީހުންގެ ބަންދަށް 7 ދުވަސް ޖެހީ މިދިޔަ ބުރާސްފަތި ދުވަހު ކަމަށެވެ. ޖާބިރަށް ހަމަލާ ދިން ދެ މީހުން ހައްޔަރު ކުރީ މިދިޔަ ބުދަ ދުވަހު އެވެ.
ހައްޔަރު ކުރީ 42 އަހަރުގެ މީހަކާއި 19 އަހަރުގެ މީހެކެވެ. ދެމީހުންނަކީވެސް ދެ ފިރިހެނުންނެވެ.
މަތިވެރީގައި ޖާބިރުގެ ގެސްޓު ހައުސްއެއް ހުރެ އެވެ. އެހެންވެ އޭނާ އާންމުކޮށްވެސް އެރަށަށް ގޮސް އުޅެ އެވެ. ދާދި ފަހުން ޖާބިރު އެރަށަށް ދިޔުމުން އެރަށުގެ ގިނަ ބަޔަކު ނިކުމެ ވަނީ ޖާބިރާއި ދެކޮޅަށް އަޑު އުފުލައިފަ އެވެ. އަޑު އުފުލީ މުވައްޒަފުންނަށް މުސާރަ ނުދޭ މައްސަލައިގައި ކަމަށްވެ އެވެ.
+1
+1
+1
+1
+1
+1
