ދައުލަތުގެ ބެލުމުގެ ދަށުގައި ތިބި ކުދިންނަށް އުރީދޫ މޯލްޑިވްސްގެ ފަރާތުން 10 ޓެބްލެޓް ހަދިޔާކޮށްފިއެވެ.
އުރީދޫން މި ޓެބުތައް ހަވާލުކޮށްފައިވަނީ މިކަމަށްޓަކައި ޖެންޑާ މިނިސްޓްރީގައި މިއަދު ބޭއްވި ރަސްމިއްޔާތެއްގަ އެވެ.
މިނިސްޓްރީގެ ފަރާތުން ޓެބްލެޓްތަކާ ހަވާލުވެވަޑައިގެންނެވީ ޖެންޑާ މިނިސްޓަރު އާއިޝަތު މުހައްމަދުދީދީ އެވެ. އުރީދޫ މޯލްޑިވްސްގެ ފަރާތުން މިނިސްޓްރީއާ ޓެބްލެޓްތައް ހަވާލުކޮށްދެއްވީ، ޗީފް ކޮމާޝަލް އޮފިސަރު ހުސެއިން ނިޔާޒް އެވެ.
އުރީދޫ އިން ހަދިޔާކުރި ޓެބްލެޓްތައް ބޭނުންކުރާނީ ދަޢުލަތުގެ ބެލުމުގެ ދަށުގައި ތިބި ކިޔަވާ ކުދިންގެ ކިޔެވުމުގެ ކަންކަމުގައެވެ.
ޖެންޑަރ މިނިސްޓަރ އައިޝަތު މުޙައްމަދު ދީދީ ވަނީ ދައުލަތުގެ ބެލުމުގެ ދަށުގައި ތިބޭ ކުދިންނަށް އިތުރަށް ބޭނުންވާ އެހީތެރިކަމާ ގުޅޭގޮތުން އުރީދޫއާ މަޢުލޫމާތު ޙިއްސާކުރައްވާ، ޓެބްލެޓް ހަދިޔާ ކޮށްދީފައިވާތީ، އުރީދޫއަށް ޝުކުރު އަދާކުރައްވާފައެވެ.
މިވަގުތު ދައުލަތުގެ ބެލުމުގެ ދަށުން 194 ކުދީން ދަނީ ބަލަހައްޓަމުންދެއެވެ.
