މާލެ ސަރަހައްދުން އިތުރު 1407 ސާމްޕަލް ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ތަފާސްހިސާބުތަކަށް ބަލާއިރުމާލެ ސަރަހައްދުން ޓެސްޓްކުރި 3725 ސާމްޕަލްގެ ތެރެއިން 1407 ސާމްޕަލް ވަނީ ޕޮޒިޓިވްވެފައެވެ. ފާއިތުވި 24 ގަޑިއިރު 7852 ސާމްޕަލް ޓެސްޓްކޮށްފައިވެއެވެ.
ބާކީ 4127 ސާމްޕަލްގެ ތެރެއިން 962 މީހުން ޕޮޒިޓިވްވެފައިވަނީ އަތޮޅުތަކުންނެވެ. ހިނގަމުންދާ ރިސޯޓްތަކުން 48 މީހުން ޕޮޒިޓިވްވެފައިވެއެވެ. 337 މީހުން ޕޮޒިޓިވްވެފައި ވަނީ ކޮންތަނަކުން ކަމެއް ދެނެގަނެވިފައެއްނުވެއެވެ.
މިއާއެކު މުޅި ރާއްޖެއިން ކޮވިޑަށް ޕޮޒިޓިވްވީ މީހުންގެ އަދަދު ވަނީ 138،880 އަށް އަރާފައެވެ.
ރާއްޖޭގައި މިވަގުތު ކޮވިޑަށް ފަރުވާ ހޯދަމުން އަންނަ މީހުންގެ އަދަދު ވަނީ 17،770 އަށް އަރާފައެވެ. އަދި ހޮސްޕިޓަލުތަކުގައި ފަރުވާ ދެމުން އަންނަ މީހުންގެ އަދަދު ވަނީ 63 އަށް އަރާފައެވެ.
