ކޮވިޑް ޖެހިގެން ޅ. އަތޮޅު ހޮސްޕިޓަލުގައި ފަރުވާދެމުންދިޔަ މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ ޅ. އަތޮޅު ހޮސްޕިޓަލުގައި ފަރުވާދެމުން ދިޔަ މީހަކު ބުދަ ދުވަހުގެ މެންދުރު 1:37 ގައި ނިޔާވެފައިވާ ކަމަށެވެ. ނިޔާވެފައިވަނީ 83 އަހަރުގެ ދިވެހި ފިރިހެނެކެވެ. މިއާއެކު ރާއްޖެއިން މި ބަލީގައި ނިޔާވި މީހުންގެ އަދަދު ވަނީ 279ށް އަރާާފައެވެ.
މި މަހުގެ މިހާތަނަށް 3 މީހަކު ވަނީ ނިޔާވެގެން ރިޕޯޓްކޮށްފައެެވެ. އެއީ ބުދަ ދުވަހު ރިޕޯޓްކުރެވުނު މަރާއި، ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ 2 މީހުންނެވެ. އެއީ 73 އަހަރުގެ ސްރީލަންކާއަށް ނިސްބަތްވާ ފިރިހެނަކާއި، 74 އަހަރުގެ ދިވެހި ފިރިހެނެކެވެ.
+1
+1
+1
+1
+1
+1
